Хаартыска: Экология министиэристибэтин пресс-сулууспата.
Өссө икки нэһилиэнньэлээх пууҥҥа гаас киллэриитэ былааннанарын туһунан, Бырабыыталыстыба отчуотугар Амма улууһугар үлэлиир оробуочай бөлөҕү салайар Экология, айылҕаны туһаныы уонна ойуур хаһаайыстыбатын миниистирэ Евгений Перфильев иһитиннэрдэ.
Бу эрдэ гаас киирбит Бүтэйдээх сэлиэнньэтиттэн гаас тардыллыахтаах Сатаҕай уонна Алтан сэлиэнньэлэрин туһунан этиллэр.
“Сатаҕайга уонна Алтаҥҥа бөһүөлэктэр икки ардыларынааҕы гаас ситимин тутуу бырайыактыыр-симиэтэлиир докумуонун номнуо оҥорбуттара, судаарыстыбаннай эспэртиисэ түмүгүн 2025 сыл олунньутугар ылыахтара” – диэн Перфильев олохтоохторго иһитиннэрдэ.
Амма улууһун нэһилиэнньэлээх пууннара, “Газпром промгаз” АУо оҥорбут гааһынан хааччыйыы уонна гааһы киллэрии генеральнай схематыгар киллэриллибиттэрэ. Былырыын Бүтэйдээх – Сатаҕай – Алтан бөһүөлэктэрин икки ардыларынааҕы гаас ситимин бырайыактыыр-симиэтэлиир докумуона оҥоһуллубута. Ону кытта бөһүөлэктэр иһинээҕи гаас ситимин докумуоннарын бэлэмнээбиттэрэ.
Олохтоохтор ыраах сытар нэһилиэнньэлээх пууннарга инфраструктураны уонна социальнай эйгэни сайыннарыыны үбүлээһин салгыы үрдүүрэ ирдэнэрин бэлиэтээтилэр, 2023-2027 сылларга үөрэх эбийиэктэрин саҥардыы уонна тутуу судаарыстыбаннай былаанын иитинэн Сатаҕай оскуолатын тутуу боппуруоһун ыйыттылар.
Өрөспүүбүлүкэ судаарыстыбаннай былааһын ситэриилээх уорганын 2024 сыллааҕы үлэтин отчуота Амма улууһугар олунньу 5 күнүттэн саҕаланна. Евгений Перфильев салайааччылаах бөлөх Сатаҕай, Алтан уонна Эмис нэһилиэктэригэр үлэлиир; өрөспүүбүлүкэ тутуутун миниистирин солбуйааччыта Евгений Афанасьев салайааччылаах иккис бөлөх Амма-Наахара, Болугур, Майскай нэһилиэктэрин олохтоохторугар отчуоттуур.
Былааҥҥа Сулҕаччы, Сэргэ Бэс, Соморсун, Мээндиги, Абаҕа, Бөтүҥ, Чапчылҕан, 2-с Чакыр сэлиэнньэлэрин олохтоохторугар отчуот былааннанар. Отчуот олунньу 7 күнүгэр Амма сэлиэнньэтигэр түмүктэниэҕэ.
Ил Дархан уонна Бырабыыталыстыба пресс-сулууспата.
Саха сиригэр 2025 сылга барыта аҕыс хочуолунай үлэҕэ киллэриллибит. Бу бырайыактары олоххо киллэрии нэһилиэнньэлээх пууннары…
Бүгүн, тохсунньу 17 күнүгэр, Тымныы полюһунан аатырар Өймөкөөн улууһугар аан дойдутааҕы таһымнаах улахан успуорт тэрээһинэ…
Тохсунньу томороон тымныыта түһэн турар. Баччаларга Саха сирин үрдүнэн таҥха кэмэ саҕаланар, сүллүүкүүттэр тахсаллар. Аныгы кэмҥэ ким да кинилэри илэ көрбүтэ суох эрээри, дьэ хата кимнээҕэр дьон олоҕор “орооһоллор” үһү. …
Горнай улууһугар Атамай орто оскуолатыгар үөрэнээччилэр кыһыҥҥы сынньалаҥнарын кэмигэр устудьуоннары кытта истиҥ-иһирэх көрсүһүү буолла. Биһиги…
Байыаннай дьайыыга тыһыынчанан миэдик үлэлиир. Олортон биирдэстэринэн байыаннай дьайыы кыттыылааҕа, миэдик идэлээх, «За отвагу», «Спасение…
Үүммүт 2026 сылга Саха сиригэр үлэ төлөбүрүн алын кээмэйэ (МРОТ) уонна тиийинэн олоруу алын кээмэйэ…