Хаартыска: www.sakha.gov.ru
Амма улууһугар «Күн Сардаҥата» оскуола үөрэнээччилэрин өрөспүүбүлүкэтээҕи научнай-чинчийэр, экологическай эспэдииссийэ түмүктэннэ.
Дойдуга Дьиэ кэргэн уонна Саха сиригэр Оҕо саас сылыгар анаммыт эспэдииссийэ Амма, Чурапчы, Таатта, Мэҥэ Хаҥалас, Хаҥалас, Уус Алдан уонна Уус Маайа улуустарын уонна Дьокуускай куорат эдэр чинчийээччилэрин уонна экологтарын түмтэ.
«44 оскуола үөрэнээччилэрэ Амма улууһугар айылҕаны, күөллэри, кыыллары академик Н.Г. Соломонов аатынан сайыҥҥы научнай-чинчийэр оскуолатын иһинэн чинчийдилэр. Саха сирин Экологияҕа министиэристибэтэ көҕүлээбит бырайыага иккис сылын саҥа билиилэри көрдүүргэ уонна өрөспүүбүлүкэ күөллэрин чинчийиигэ, туһалаах информацияны хомуйууга ананар», — диэн бырайыак салайааччыта, СӨ Уу сыһыаннаһыыларыгар уонна экологияҕа департаменын кылаабынай исписэлииһэ Нюргуяна Гуринова иһитиннэрдэ.
«Эдэр экологтары чинчийиилэрэ инникитин научнай-практическай кэмпириэнсийэлэргэ кыттарга, научнай ыстатыйалары уонна үлэлэр суруйарга тирэх буолуоҕа, ону тэҥэ идэни талыыга сирдиэҕэ», — диэн бырайыак салайааччыта бэлиэтээтэ. Оҕолор тоҕус күн устата эйэ- дэмнээхтик айылҕа абыланыгар куустардылар. Кыттааччылар, саамай кыралара 8 саастаах, хонуу усулуобуйатыгар бэйэлэрин чинчийэр үлэлэригэр матырыйааллары хомуйдулар.
«Бу күннэргэ Амма, Мээндиги, Абаҕалаах, Бөтүҥ нэһилиэктэрин күөллэрин туһунан матырыйааллары хомуйдубут. Оҕолор күөллэри эрэ буолбакка, үөнү-көйүүрү, көтөрү-сүүрэри, үүнээйилэри үөрэттилэр. Оҕолор эспэдииссиэни олус сөбүлээтилэр, хас да оҕо кэлэр сылга суруттарыахтарын баҕардылар», — диэн эспэдииссийэ салайааччыта, СӨ Наукаҕа академиятын лаборант-чинчийээччитэ Саргылана Седалищева кэпсээтэ. Эспэдииссийэни тэрийээччилэр этэллэринэн, эһиил маннык көһө сылдьар тэрээһиннэри Мэҥэ Хаҥаласка эбэтэр Уус Маайаҕа тэрийэр былааннаахтар. Сиһилии манна аах.
Бүгүн Саха сиригэр Ийэ күнэ. Орто дойдуга кыыс оҕо буолан айыллан кэлэн, кэргэн тахсан уоллаах…
Тыа сиригэр кэлиҥҥи сылларга араас социальнай суолталаах тутууну тэҥэ устуоруйаны үйэтитэр араас пааматынньыктар, искибиэрдэр тутуллаллар.…
Светлана Свинобоева – элбэх оҕолоох ийэ, бэйэ дьыалатын сайыннарар урбаанньыт. Кини аныгы үйэ дьахталларыттан уратыта…
Саха сиригэр Ийэ күнүн көрсө Кэбээйи улууһун Куокуй нэһилиэгин "Угуйаан" култуура киинигэр күн күбэй ийэлэрбитигэр,…
Соторутааҕыта успуорт эйгэтиттэн өссө биир үөрүүлээх сонун кэллэ. Эдэркээн Айаал Сивцев паралимпиецтарга чэпчэки атлетикаҕа дьаадыраны…
Аныгы балысханнаах олоххо сиэр-майгы тиэмэтэ сытыырхайан иһэр. Онон “Сиэр-майгы” балаһабытыгар бүгүн тоҕо эрэ “Оптуобус кэпсээнэ”…