Амма улууһугар Олоҕу-дьаһаҕы тупсарыы сыла биллэрилиннэ

Үүнэр 2025 сылы Амма улууһун баһылыга Степан Кузьмин Олоҕу-дьаһаҕы тупсарыы (инфраструктура) сылынан биллэрдэ.

Бу улахан суолталаах быһаарыы “Олох-дьаһах инфраструктурата” национальнай бырайыакка сөп түбэһиннэрэн, оройуон кэлим социальнай-экэнэмиичэскэй сайдыытыгар уонна улуус олохтоохторун олохторун хаачыстыбатын тупсарыыга туһуланар.

Улуус салалтата олоҕу-дьаһаҕы тупсарарга быһаарыллыахтаах соруктарынан ааттаата:

— Айан суолун нуормаҕа эппиэттиир туруктаах оҥоруу;

— Хаарбах туруктаах дьиэттэн дьону көһөрүү бырагырааматын үрдүк таһымнаахтык олоххо киллэрии;

— Тыа сирин нэһилиэнньэлээх пууннарын сайыннарыыга тустаах маастар-былааннары оҥоруу;

— Хомунаалынай тиһиги саҥардыы;

— Олорор тиэргэннэри тупсарыы;

— Нэһилиэнньэлээх пууннар икки ардыларынааҕы пассажирдары таһар үлэни олоххо киллэрии;

— Тыа сирин нэһилиэнньэлээх пууннарын тупсарыыга куораты былаанныыр докумуоннааһын аныгы ирдэбиллэригэр сөп түбэһиннэрии.

Онон 2025 сыл Амма улууһугар социальнай-экэнэмиичэскэй сайдыыга туһуламмыт  улахан суолталаах былааннаах үлэ ыытыллыаҕа.