Амма улууһугар сыл бүтүүтэ икки элбэх кыбартыыралаах дьиэ үлэҕэ киириэҕэ

Кэнники биэс сылга, 2019-2023 сылларга, Амма улууһугар  уопсайа 55,9 тыһ. кв. миэтэрэ иэннээх олорор дьиэ үлэҕэ киирбитэ.

2024 сыл бэс ыйынааҕы туругунан улууска 54 олорор дьиэ тутулунна. Биэс сыл иһигэр элбэх кыбартыыралаах олорор дьиэ өлүүтэ 10,5 тыһ. кв. м, чааһынай олорор дьиэ өлүүтэ 45,4 тыһ. кв.м. тэҥнэстэ. Бу сыл бэс ыйын саҥатыга Амма улууһугар  3,7 тыһ. кв. миэтэрэ иэннээх олорор дьиэ, ону кытта 54 чааһынай олорор дьиэ тутулунна. Төрдүс кыбаарталга «Обеспечение устойчивого сокращения непригодного для проживания жилищного фонда» эрэгийиэннээҕи бырагыраама  чэрчитинэн уопсайа 8 тыһ. кв.м иэннээх  икки элбэх кыбартыыралаах олорор дьиэ үлэҕэ киллэриллэрэ былааннанар.