Хаартыска sakha.gov.ru ылылынна
Өрөспүүбүлүкэтээҕи психологическай Киин «Защитники Отечества» байыаннай дьайыы кыттыылаахтарын өйүүр Судаарыстыбаннай пуонда эрэгийиэннээҕи филиалын кытта, пуонда исписэлиистэригэр анаан үөрэтэр тэрээһиннэри ыытыаҕа.
Өрөспүүбүлүкэтээҕи психологическай Киин дириэктэрэ Владимир Скрябин бу туһунан иһитиннэрдэ.
«Саха сирин психологтарын биригээдэтэ бу күннэргэ Доннааҕы Ростовка госпитальга үлэлиир. Байыаннай сулууспалаахтары кытары бөлөҕүнэн уонна биирдиилээн үлэлэр ыытылыннылар. Ону сэргэ, бааһырбыт байыастар дьиэ кэргэттэрин кытта ыраахтан олорон үлэ эмиэ ыытылынна, психологическай өйөбүл оҥоһулунна«, — диэн кэпсиир кини.
Өрөспүүбүлүкэтээҕи психологическай Киин бу бырагырааматын Амма улууһугар от ыйын 18 күнүттэн саҕалыыр.
«122 эбэтэр 8-800-100-35-50 нүөмэргэ эрийэн санааҕытын этэр, тиэрдэр уонна өйөбүлү ылар кыахтааххыт. Сирэй көрсөн сүбэ-ама ылыан баҕалаахтар (улууска эмиэ) 31-91-09 нүөмэргэ эрийиэххитин сөп. Маны таһынан, байыаннай дьайыы кыттыылаахтарыгар уонна кинилэр дьонноругар көмөлөһөр улуустааҕы суһал бөлөхтөргө биллэриэхтэрин сөп», — диэн этэр кини.
Санатан эттэххэ, 2021 сыл бүтүүтүгэр Ил Дархан Айсен Николаев сорудаҕынан нэһилиэнньэ психологическай туругун харыстыыр соруктаах бырагыраама үлэлээн саҕалаабыта. Өрөспүүбүлүкэтээҕи психологическай Киин сүрүннээччинэн буолбута.
Сиһилии манна https://www.sakha.gov.ru/news/front/view/id/3363821 көрүҥ.
СӨ Ил Дархан уонна Бырабыыталыстыба пресс-сулууспата
Ахсынньы 12 күнэ – Арассыыйа Федерациятын Конституциятын ылыныллыбыт күнэ. 1993 сыллаахха ахсынньы 12 күнүгэр Арассыыйа…
Үөһээ Халыма улууһугар полиция үлэһиттэрэ бокуонньук суоппар гарааһын халааһыҥҥа уорбаланар киһини быһаардылар. Бу туһунан «МВД…
Бүгүн, ахсынньы 12 күнүгэр, Саха сирин сорох улуустарыгар -52 кыраадыс буолара күүтүллэр диэн УГМС иһитиннэрэр.…
Бу күннэргэ Мэҥэ Хаҥалас улууһугар Сыымахха командировкаҕа сылдьан, киһи кэрэхсиир түгэнин көрөн, сырдатарга сананным. Васильевтар…
Көрсүһүүгэ сүрүн болҕомто Саха сиригэр национальнай бырайыактары уонна РФ Бэрэсидьиэнин сорудахтарын олоххо киллэриигэ уурулунна. "Айсен…
Аҕа дойдуну көмүскүүр сэрии уустук сылларыгар тыыл үлэтэ байыаннай балаһыанньа ыйарынан былааннанара. «Барыта фроҥҥа, барыта…