Салгыы
Амма улууһун 21 эдэр ыалыгар дьиэ сэртипикээтин туттардылар

Амма улууһун 21 эдэр ыалыгар дьиэ сэртипикээтин туттардылар

19.02.2024, 11:30
Хаартыска: Людмила Попова.
Бөлөххө киир:

Ааспыт нэдиэлэҕэ Амма улууһугар буолан ааспыт судаарыстыбаннай былаас ситэриилээх уорганын отчуотун кэмигэр, Амма улууһун эдэр ыалларыгар дьиэ сэртипиикэттэрин туттардылар.

Ол курдук, отчуоттуур икки бөлөх нэһилиэктэринэн сылдьан, мунньах кэнниттэн үөрүүлээх быһыыга-майгыга  сэртипикээттэри туттарда. Быйылгы сылга Амма улууһун 21 эдэр ыала “Хаачыстыбалаах дьиэнэн хааччыйыы” СӨ судаарыстыбаннай бырагырааматын иитинэн дьиэ сэртипикээтин ылла.

Тутуу министиэристибэтин тутууга уонна олорор дьиэҕэ бэлиитикэтин департаменын салайааччытын солбуйааччы Марианна Соловьева: “Эдэр ыаллары дьиэнэн хааччыйыыга биһиэхэ Тутуу министиэристибэтин нөҥүө бырагыраама үлэлиир. 2023 сылга Амма улууһугар 20 эдэр ыалы дьиэнэн хааччыйбыт буоллахпытына, быйыл 21 ыалга отчуот кэмигэр сибидиэтэлистибэ туттара сылдьабыт. Бу бырагыраамаҕа 35 саастарын туола илик, хамнастаах уонна дьиэҕэ-уокка наадыйааччылар учуоттарыгар турар дьон хапсаллар” – диэн эттэ.

Эдэр ыал харчынан сэртипикээти дьиэ атыылаһалларыгар эрэ буолбакка, ипэтиэкэҕэ бастакы усунуос быһыытынан эбэтэр дьиэ тутталларыгар ылбыт кирэдьииттэрин иэһин төлүүргэ туһаныахтарын сөп.

+1
4
+1
0
+1
0
+1
1
+1
0
+1
0
+1
1
Бары сонуннар
Салгыы
25 мая
  • 8°C
  • Ощущается: 6°Влажность: 61% Скорость ветра: 3 м/с

Сообщить об опечатке

Текст, который будет отправлен нашим редакторам: