Хаартыска: СИА
Ил Дархан Айсен Николаев Алтаҥҥа уунан хааччыйыы тиһигин тутуутун бэрэбиэркэлээтэ. Саҥа эбийиэк хаачыстыбалаах иһэр уунан 700-тэн тахса киһилээх нэһилиэнньэлээх сэлиэнньэни хааччыйыаҕа.
Эбийиэги бэлэмнээһин 99% тиийдэ, ыстаансыйа эспэртииһэтин түмүгүнэн үлэҕэ киллэрэргэ көҥүл аныгыскы нэдиэлэҕэ ылыллыаҕа. «Бу бэртээхэй эбийиэк кулун тутар 8 күнүгэр бэлэх быһыытынан үлэҕэ киллэриэхпит. Уунан хааччыйыы систиэмэтэ үлэҕэ киирэригэр ыраастаммыт иһэр уунан сэлиэнньэ олохтоохторун хааччыйарга саҥа технологиялар туһаныллыбыттара», — диэтэ Айсен Николаев.
Ыраас уунан хааччыйар инниттэн саҥа ситим сууккаҕа 200 куб.ууну оботторор носуос кыамталаах сир аннынааҕы холуодьастаах, 100 куб.м. уһуннаах уу ситимнээх, ууну ыраастыыр ыстаансыйалаах, ону таһынан түөрт резервуардаах.
Эбийиэк «Ыраас уу» бырагырааманан тутуллубут. Бырайыак сыаната 264 мөл. солк. тэҥнэстэ, итинтэн 46 мөл. солк. федеральнай бүддьүөттэн, оттон 219 мөл. солк. өрөспүүбүлүкэ бүддьүтүөттэн үбүлэнэр.
Бырайыак дойду Бэрэсидьиэнэ Владимир Путин көҕүлээбит «Олорор дьиэ уонна куорат эйгэтэ» национальнай бырайыак чэрчитинэн олоххо киирэр. 2025 сылтан бырайыак «Инфраструктура для жизни» национальнай бырайыак састаабыгар киирэр.
2019 сылтан 2024 сылга диэри бырагырааманы үбүлээһин уопсай кээмэйэ федеральнай бүддьүөттэн 3,5 млрд солк. тэҥнэстэ. Сүрүн сыала-соруга — уунан хааччыйыы уонна уу систиэмэтин саҥардыы.
Бэрдьигэстээх сэлиэнньэтигэр ууну ыраастыыр ыстаансыйалары тутуу түмүктэнэн эрэр, ону таһынан Өлүөхүмэ куоракка (иккис түһүмэх), Хаҥалас улууһун Бэстээх сэлиэнньэтигэр.
2019 сылтан Саха сиригэр уунан хааччыйыы 8 эбийиэгэ үлэҕэ киирдэ: Баатаҕайга, Ньурбаҕа, Өлүөхүмэҕэ уонна Покровскайга, Сунтаарга уонна Аммаҕа, ону тэҥэ Үөһээ Бүлүүгэ уонна Үөдүгэйгэ саҥа ситимнэр киллэрилиннилэр. Бу бырайыактарынан ыраас иһэр уунан 30 тыһыынчаттан тахса киһи хааччылынна.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…