Амма улууһун Михайловкатыгар Норуот айымньытын дьиэтэ аһылынна
26.12.2024, 19:45
Бөлөххө киир:
Амма улууһун Михайловка сэлиэнньэтигэр Норуот айымньытын дьиэтэ үөрүүлээх быһыыга-майгыга аһылынна. Бүгүн өрөспүүбүлүкэ үрдүнэн тоҕус социальнай эбийиэк үлэҕэ киирдэ.
Эбийиэк «2020-2025 сылларга тыа сирин территориятын биир кэлимник сайыннарыы» федеральнай бырагырааманан тутулунна. Норуот айымньытын дьиэтигэр Саха сирин норуодунай суруйааччыта Василий Васильев-Харысхал аатын иҥэрдилэр.
Икки этээстээх таас дьиэ уопсай иэнэ 940 кв.м., манна 150 миэстэлээх көрөөччү саалата, артыыстар хосторо, костюмернай, тренажернай, репетициялыыр саалалар, киэҥ фойе, салалта кэбиниэттэрэ бааллар.
«Саҥа дьиэбит миэбэлинэн уонна тэрилинэн толору хааччылынна, ол иһигэр уот-күөс уонна тыа-уус аппаратурата бааллар. Олохтоохтор айар үлэнэн көхтөөхтүк дьарыктаналлар. Кинилэргэ анаан сынньалаҥ эрэ усулуобуйата буолбакка, дьоҕурдарын сайыннаралларыгар эмиэ туох барыта көрүлүннэ», — диэн Норуот айымньытын дьиэтин дириэктэрэ Надежда Игнатьева санаатын үллэстэр.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: