Амма улууһун нэһилиэктэрин баһылыктара уонна ыччаттара улуус сайдыытын кэскилин ырыттылар

Бу күннэргэ Амма улууһун землячествотын тэрийиитинэн сыл аайы ыытыллар  биир дойдулаахтар көрсүһүүлэрин быйыл кэҥэтэн, хайысхаларын элбэтэн ыыттылар.

Биир ураты дириҥ ис хоһоонноох тэрэһининэн Амма улууһун нэһилиэктэрин  баһылыктара олоххо көхтөөх устудьуоннарын кытта  улуус сайдыытыгар туһуламмыт  стратегическай сиэссийэни ыыппыттара буолла.

Суолталаах тэрээһиҥҥэ улуус баһылыга Степан Кузьмин уонна баһылыгы 1-кы солбуйааччы Степан Бураев  кыттыыны ыллылар.

Салайааччылар стратсиэссийэ кыттыылаахтарын этиилэрин бэркэ болҕойон иһиттилэр уонна  хас биирдии этиигэ  бэйэлэрин тус санааларын  эттилэр.

Онон улуус кэскилигэр, сайдыытыгар туһуламмыт сонун сүүрээн быһыытынан ыытыллыбыт  стратегическай  сиэссийэ улуус  салайааччыларыгар да, нэһилиэктэр баһылыктарыгар да,  ыччаттарга да  олус туһалаах буолла.