Амма улууһун олохтооҕо 100 тыһ. солк. байыаннай дьайыы кыттыылаахтарыгар анаата

Байыаннай дьайыы саҕаланыаҕыттан Амма улууһун олохтоохторо байыастары өйүүллэр.

Олортон биирдэстэрэ — Амматааҕы оҕо ускуустубатын фортепианнай отделын преподавателэ, искусствоведение хандьыдаата, СӨ Култууратын үтүөлээх үлэһитэ уонна «Үлэ киһитэ-2025» бириэмийэ хаһаайына Виктория Григорьева.

Бу саас Виктория Георгиевна «Үлэ киһитэ» өрөспүүбүлүкэтээҕи бириэмийэ лауреатынан буолбута. Кини бочуоттаах аатын кытары 300 тыһыынча солкуобайдаах бириэмийэ туттарыллыбыта. Бу суума харчыттан Виктория Григорьевна Донбасска көмөнү оҥоруу Хотугулуу-Илиҥҥи пуондатыгар ыытта. Үбүнэн-харчынан Саха сириттэн сулууспалааччыларга БПЛА аппарааттара атыылаһыллан ыытыллыбыттар. Бу туһунан «Амма олоҕо» хаһыат суруйар.

«Бу мин байыастарга анаан салгыы уочараттаах кылаатым. Бастакы хомуурунан бинокллар уонна да атын маллар ыытыллыбыттара. Быйыл кыһын Рейхстахха диэри тиийбит младшай лейтенант, абаҕам Григорьев Тихон Петрович кэриэһигэр доруобунан ытар сааны атыылаһарга үп-харчы туттарбытым», — диэн Виктория Григорьева санаатын үллэһиннэ.

Татьяна Феоктистова