Амма улууһун салайааччылара тутуу кааскаларын элбэхтэ кэттиннэр!

Быйыл Амма улууһугар Инфраструктура сайдыытын сыла биллэриллибитэ.

Улуус баһылыгын тутууга уонна инфраструктура сайдыытыгар солбуйааччы Виктор Смирников  бу бэлиэ сылынан улуус баһылыгар Степан Кузмиҥҥа уонна кини бастакы солбуйааччытыгар Василий Бураевка анал ааттаах тутуу кааскаларын туттарда.

Бу бэлэх олус дириҥ ис хоһоонноох: улууска элбэх саҥа эбийиэк тутуллан, улуус сайдыытын инники күөҥҥэ таһаарыыны түстээһин уонна бу кааскалары улуус салайааччылара бииртэн-биир саҥа тутулла турар эбийиэктэри көрөн-истэн олоххо киллэрэллэригэр туһуланна. Онон бу «символическай» бэлэҕи —  тутуу кааскатын Амма улууһун салайааччылара элбэхтэ кэтэллэригэр баҕарабыт!