Аммаҕа 19 саастаах уол ийэтиттэн харчы уорбут

Амма оройуоннааҕы дьуһуурунай чааска олохтоох дьахтар сайабылыанньа суруйбут. Кини иһитиннэрбитинэн, деменциялаабыт ийэтин счетуттан 600 тыһ. солк. кэриҥэ харчы сүппүт. Бу туһунан СӨ ИДьМ пресс-сулууспата иһитиннэрэр.

Уорууга дьахтар 19 саастаах уола кыттыгастааҕа биллибит.

Барыллаан быһаарбыттарынан, уол ийэтэ харчылааҕын билэн ыалдьыттыы кэлбит. Ийэтэ деменциянан ыалдьарын туһанан, кини мобильнай бааныттан 597 тыһ.солк. уорбут. Ол харчыны кини кулууптарга уонна баардарга сынньанарыгар бараабыт.

Уоруунан холуобунай дьыала тэрилиннэ.