Аммаҕа байыаннай дьайыы кыттыылаахтарын дьиэ кэргэттэригэр мас бэлэмнээтилэр

Амма улууһугар байыаннай дьайыыга сылдьар биир дойдулаахтарын чугас дьонноругар мас бэлэмнээтилэр.

Ол курдук  «Кураанах салаа»  уонна «Кириэстээх үрэҕэ»  учаастактарга муус устарга уонна бэҕэһээ субуотунньуктаан мас бэлэмнээтилэр. Тэрээһиҥҥҥэ «Амма лесничествота» ГКУ үлэһиттэрэ, олохтоох дьаһалта уонна урбаанньыттар кытыннылар.

Субуотунньуктарга  уопсайа  70 киһи кытынна уонна 10 техника туһанылынна. Онон 200 м³ мас бэлэмнэнэн, байыаннай сулууспалаах 10 дьиэ кэргэнигэр  түҥэтилиннэ диэн Экология министиэристибэтэ иһитиннэрдэ.