Хаартыска: Амма дьаһалтатын пресс-сулууспата
Амма нэһилиэгин дьаһалтатын көҕүлээһининэн, байыаннай дьайыы кыттыылаахтарын дьиэ кэргэттэрин өйөөһүҥҥэ мууһу уонна оттук маһы бэлэмнээһиҥҥэ субуотунньуктар ыытыллаллар.
Холобур, былырыын күһүн уонна саас тэрилтэ үлэһиттэрэ 270 куб оттук мас бэлэмнээбиттэрэ диэн Амма дьаһалтатын пресс-сулууспата суруйар.
Бэҕэһээ, кулун тутар 28 күнүгэр, оттук маһы бэлэмнээһиҥҥэ эмиэ субуотунньук тэрилиннэ. Ааспыт сылы кытта тэҥнээтэххэ, оһоҕунан оттуллан олорор дьиэлээх дьиэ кэргэттэртэн маһы тиэйиигэ элбэх сайаапка киирбит. 400 куб оттук мас бэлэмнэнэн, байыаннай дьайыы кыттыылаахтарын дьиэ кэргэттэригэр тиэрдиллиэҕэ. Субуотунньукка Амма нэһилиэгин 80 тэрилтэтин үлэһиттэрэ кытталлар, ол иһигэр «Центрлес» ГАУ, Амма лесничествота, ФКУ, «Автодор» РИК, ИДьМ, ОДьКХ, экологияҕа кэтээн көрүү инспекцията, о.д.а. Ону сэргэ биирдиилэн дьон тырааныспарынан көмөлөстүлэр.
«Субуотунньук икки күн ыытыллара былааннанар, кулун тутар 29 күнүгэр үлэни түмүктүөхтээхтэр. Бүгүн 80 куб оттук маһы илтилэр. Амматааҕы лесничество быспыт учаастагар 80-ча киһи үлэлиир, сарсын атын тэрилтэлэртэн үлэһиттэр кэлэллэрин күүтэбит уонна бэлэмнэммит оттук маһы барытын тиэрдэргэ кыһаллабыт. Кэлэктииптэр үлэһиттэрэ биһигини өйөөн, байыаннай дьайыы кыттыылаахтарыгар уонна кинилэр дьиэ кэргэттэригэр оттук мас уонна муус бэлэмнээһиҥҥэ субуотунньуктарга кытталларыттан олус үөрэбин», — диэн Амма нэһилиэгин баһылыга Михаил Артемьев иһитиннэрдэ.
Ааҕааччыны салгыппат гына, ааспыты аҕыйах тылынан ахтан ааһар тоҕоостоох. Ыраата барбакка эттэххэ, ааспыт үйэ 60-70-с…
Оннук ээ, туох барыта күрүөлээх, хамсыыр барыта хаһаалаах буолара бэрт бөҕө буоллаҕа! Киһи бэйэтин көрүнэригэр-харыстанарыгар…
2021 сылтан Саха сиригэр “Баһаары сэрэт – АДПИ киллэр!” диэн социальнай аахсыйа ыытыллар. Аахсыйа чэрчитинэн…
Дьокуускайга Н.Н.Тарскай аатынан "Туймаада" стадиоҥҥа ыытыллар "Азия оҕолоро" норуоттар икки ардыларынааҕы спортивнай оонньуулары үөрүүлээхтик аһыы…
Саха сиригэр 2024 сылтан саҥа ыал буолар, 25 саастарын туола илик эдэр дьоҥҥо саахсаламмыттарын кэнниттэн…
СӨ Судаарыстыбаннай тутуу уонна олорор дьиэ хонтуруолун управлениета уонна «Биир ньыгыл Арассыыйа» баартыйа «Эдэр гвардия»…