Бүгүн эппиппит курдук, түөрт муниципальнай тэриллиигэ болдьохторун иннинэ баһылыктары таллылар.
Оруобуна 20.00 ч. бары быыбардыыр учаастактар сабыллан, быыбардар түмүктэннилэр.
Абый улууһун Белай Гората Дьокуускай куорат бириэмэтиттэн икки чаас эрдэлиир буолан, түмүгэ бастакынан биллибитэ. Барыта үс хандьыдаат турбута. 1507 быыбардааччылааҕыттан 409 куолаһы ылан Мыреев Айсен Михайлович баһылыгынан талылынна. Кини 1992 с. төрөөбүт, «Биир ньыгыл Арассыыйа» баартыйаттан турбута.
Оттон Аммаҕа улууһугар Кузьмин Степан Николаевич 4356 (71,25%) куолаһы ылан баһылыгынан талылынна. Кини 1988 с. төрүөх, «Биир ньыгыл Арассыыйа» баартыйаттан турбута. Амма улууһугар быыбардааччытын ахсаана 11676 киһи. Барыта 4 хандьыдаат кииристэ.
Онтон Томпо улууһун Мэҥэ Алданыгар элбэх куолаһы ылан, «Биир ньыгыл Арассыыйа» баартыйаттан турбут Комиссаров Юрий Юрьевич 222 куолаһы ылан талылынна. Кини 1982 с. төрөөбүт. Манна барыта 702 быыбардааччы баар, икки хандьыдаат турбута.
Чурапчы улууһун Сылаҥыгар Макаров Егор Иннокентьевич 399 баһыйар куолаһы ылан баһылыгынан талылынна. Кини 1969 с. төрөөбүт. Быыбардааччытын ахсаана 809 киһи. Үс хандьыдаат турбута.
Ахсынньы 3 күнүттэн 2022 с. «Саха Өрөспүүбүлүкэтин муниципальнай быыбарын туһунан» сокуон 1 чааһын 76.1 ыст. сөп түбэһиннэрэн ыраах сытар уонна суола-ииһэ мөлтөх сирдэргэ быыбардааччылар болдьох иннинэ куоластаабыттара.
Бары быыбар учаастактарыгар Саха сирин Уопсастыбаннай балаататыттан 38 уонна хандьыдааттартан 67 кэтээн көрөөччү үлэлээтэ.
Саха сирин киин быыбардыыр хамыыһыйатын хаартыскалара
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
Амма улууһун Соморсун нэһилиэгэр кыстык этэҥҥэ ааһа турар. Хаһаайыстыбаларга 468, пиэрмэрдэргэ 359 сылгы эбии аһылыкка…
Бүгүн, ахсынньы 22 күнүгэр, 13:45 чааска Булуҥ улууһун Бороҕон нэһилиэгин баһылыгын солбуйааччы Биир кэлим диспетчер-дьуһуурунай…
Дьокуускай куоракка тымныы күннэр сатыылаан турар кэмнэригэр сылаас тохтобуллар олус суолталаах буоллулар. Ол курдук, маннык…
Булуҥ улууһугар сүппүт үһүс киһини буллулар диэн Булуҥнааҕы ЕДДС иһитиннэрэр диэн СӨ Быыһыыр сулууспата суруйар.…
Оҕо иммунитетын бөҕөргөтөөрү араас сыаналаах йогуртары талабыт. Күөх экрааҥҥа көстөр араас сыаналаах йогуртар хаһааныллар болдьохторо…