Аммаҕа эдэр уол ийэтиттэн харчы уоран, көҥүлэ быһылынна

Амма оройуонун борокуратуурата 2005 сыллааҕы төрүөх эдэр уол холуобунай дьыалатыгар судаарыстыбаннай буруйдааһынын өйөөтө.  Кини РФ Холуобунай дьыала Кодексынан 158 ыст. уорууга буруйданар.

Суут быһаарыытынан, сууттанааччы ийэтин суотабай төлөпүөнүттэн бэйэтин счетугар 602 тыһ. солк. суума харчыны ыыппыт уонна улахан суума үбү-харчыны уорбут. Харчыны барытын эдэр уол Дьокуускай куоракка «күүлэйдииригэр» ороскуоттаабыт. Эдэр уол буруйу оҥорбутун билиннэ уонна улахан суума сорох чааһын төлөөтө.

Судаарыстыбаннай буруйдааччы этиитинэн Амма оройуонун суута уол эдэр сааһын, буруйу билиммитин учуоттаан, 2 сылга болдьохтоон усулуобунайдык көҥүлүн быһарга уураахтаата. Суут бириигэбэрэ сокуоннай күүһүгэр киирэ илик, диэн СӨ Борокуратуурата суруйар.