Аммаҕа икки киһи эчэйиилээх суол саахала таҕыста

Суол саахала күн ахсын кэриэтэ тахса турара хомолтолоох. Бэс ыйын  22 күнүгэр  09:43 чааска Ис дьыала министиэристибэтин Амматааҕы отделын дьуһуурунай чааһыгар «Амма» өрөспүүбүлүкэтээҕи  суол 68 км суол саахала тахсыбытын туһунан иһитиннэрии киирбит.

Ол курдук,  «Tойота Аллекс» суоппара уруулун сатаан туппакка, суолтан хаҥас өттүгэр тахсан, массыыната түҥнэстибит.   Саахал түмүгэр икки киһи араас эчэйиини ылан балыыһаҕа көрдөрүммүт. Аны суоппар быһылаан тахсыбыт сириттэн куоппут.

Билигин суол быһылаана тахсыбыт төрүөтүн быһаараллар.