Аммаҕа икки нэһилиэккэ диэри сырыы тохтоото

Бүгүн, ыам ыйын 20 күнүгэр, Амма улууһугар өрүс уута тахсан, муниципальнай суолталаах ыксаллаах быһыы-майгы эрэсиимэ биллэрилиллибитэ.

Сарсыарда уу таһыма 9 миэтирэ 51 сантымыатыр этэ (Амма өрүскэ кутталлаах кирбии — 9 м 25 см). Чапчылҕан нэһилиэгэр 25 тиэргэни уу ылбыт, Амма нэһилиэгэр – 17.

Халаан уута Өнньүөс уонна Болугур туһаайыытынан суоллары былдьаан сырыы тохтоото.

Дьиэлэрин уу ылбыт ыаллар бары кэриэтэ аймахтарыгар хонор гына үлэспиттэр. Быстах хааччыйар пууҥҥа биир дьиэ кэргэн олохтонно. Сылгы, сүөһү үрдүк турар сирдэргэ илдьилиннэ.