Аммаҕа кыстык этэҥҥэ ааһан эрэр

Бу күннэргэ Амма улууһун баһылыга Степан Кузьмин Болугур нэһилиэгэр сылдьан, күннээҕи түбүгү, үлэни-хамнаһы кытта билистэ.

Баһылык мас соҕотуопкатынан дьарыктанар урбаанньыт  Алексей Максимовы кытта үлэлиир учаастагар көрсөн, үлэ хаамыытын инники соруктары кытта билистэ. Олохтоох урбаанньыттары өйүүр хайысхалары сүбэлэстэ.

Маны таһынан, баһылык «Болугур» тыа хаһаайыстыбатын потребительскай кэпирэтиибигэр сылдьан, кыстык хайдах ааһан эрэрин кытта билистэ.

“Хаһаайыстыба бигэ туруктааҕын көрөн үөрдүм: бүгүҥҥү күҥҥэ 40-тан тахса төбө саҥа төрүөх эбиллибит. Бу үчүгэй көрдөрүү. Улууска тыа хаһаайыстыбата сайдарыгар тустаах усулуобуйаны салгыы тэрийиэхпит”, — диэн улуус баһылыга Степан Кузьмин бэйэтин телеграм-ханаалыгар суруйда.