Хаартыска -- Мэҥэ Хаҥалас улууһун МТ пресс-сулууспата.
Бүгүн, ыам ыйын 31 күнүгэр, Аммаҕа үгэскэ кубулуйбут мадьыны ыһыаҕа ыытыллара былааннанар. Мас тардыһааччылар ортолоругар араас күрэхтэһиилэр ыытыллахтара, кыайыылаахтары сыаналаах бириистэринэн наҕараадалыахтара, диэн СИА иһитиннэрэр.
Ыһыах чэрчитинэн ыам ыйын 31 күнүттэн бэс ыйын 1 күнүгэр диэри Амма улууһуттан төрүттээх Саха сирин уонна Манчаары оонньууларын абсолютнай чөмпүйүөннэрин бириистэригэр норуоттар икки ардыларынааҕы турнир буолуоҕа. Күрэхтэһиигэ Саха сиригэр эрчиллэ кэлбит Монголия спортсменнара кытталлара күүтүллэр.
Ону тэҥэ Саха сирин күүстээх мас тардыһааччылара киирсиэхтэрэ. Кыайыылаахтары 13 ыйааһыҥҥа эр дьон уонна дьахталлар ортолоругар призердары быһаарыахтара. Бастакы күн хапсыһыылар буолаллар, иккис күн — финаллар.
«Ыһыах ыам ыйын 31 күнүттэн бэс 1 күнүгэр диэри Амма сэлиэнньэтин пааркатыгар ыытыллар. Норуоттар икки ардыларынааҕы турнир кыттыылаахтарын ортолоругар араас күрэхтэһиилэри ыытыахпыт. Амма улууһун дьаһалтатын анал бириистэринэн эр дьоҥҥо уонна дьахталларга 100 миэтэрэҕэ дистанцияҕа сүүрүүгэ кыайыылаахтары наҕараадалыахтара. Дьахталлар халадаай ырбаахылаах сүүрүөхтэрэ»,- диэн СӨ Мас-рестлиҥҥэ Федерациятыгар кэпсээтилэр.
Ньирэй бириистэри Федерация эр дьоҥҥо уонна дьахталларага саамай мааны сахалыы таҥастаахтарга биэриэҕэ. Маны таһынан таас көтөҕөн хаамыыга күрэхтэһии тэрийэллэр. Урут бу көрүҥҥэ эр дьон эрэ кыттар буоллаҕына, былырыын аан бастаан дьахталлар боруобаламмыттара биллэр. Бу идиэйэни тэрийээччилэр салгыыллар. Дьахталлар ортолоругар кыайыылаах аан дойду чөмпүйүөнэ Сергей Константинов уонна Манчаары оонньууларын кыайыылааҕа Айсен Атастыров анал бириистэрин ылыаҕа. Оттон эр дьону аан дойду түөрт төгүллээх чөмпүйүөнэ, мас-рестлиҥҥэ Арассыыйа успуордун үтүөлээх маастара Дмитрий Попов наҕараадалыа.
1977 с. Дьокуускай куоракка олоҥхоҕо, фольклорга сыһыаннаах “Эпическое наследие народов Сибири и Дальнего Востока” диэн Бүтүн Сойуустааҕы научнай…
Тааттаҕа “Манчаары оонньуулара” буолара чугаһаата. Далааһыннаах тэрээһин түһүлгэтигэр дьон-сэргэ тоҕуоруһуо. Улахан эппиэтинэс сүктэриллибит улууһа онно…
Кырачаан Саргы ийэтэ өлүөҕүттэн билбитэ эрэ аҕата. Аҕыйах сыллаахха диэри эбэлээх эһээтэ бааллара. Аҕата биэс…
Дьыл-хонук аастаҕын аайы, саха литэрэтиирэтигэр сонун көстүүлэр баар буолаллара кэрэхсэбиллээх. Чопчулаан эттэххэ, биир дьиэ кэргэнтэн…
Хатыҥ ыаһа диэни истибиккит, билэҕит дуо? Хайдах оҥороллоро буолуой? Манна көрүҥ. Бу туһунан Т.Гуляева суруйуутун…
Алексей Семенов сырдык кэриэһигэр Бу күннэргэ саха дьоно уонна саха суруналыыстыката улахан сүтүктэннэ. Байыаннай дьайыыга…