Аммаҕа мотуордаах оҥочо түҥнэстиитигэр киһи суорума суолланна

Амма сэлиэнньэтиттэн 9 км тэйиччи сиргэ мотуордаах оҥочо түҥнэстиитигэр биир киһи суорума суолланна. 

Саха сиринээҕи ЫБММ иһитиннэрэринэн, оҥочоҕо икки киһи олорсон испит. Түҥнэстиигэ биир киһи тимирбит, иккиһэ биэрэккэ бэйэтэ тахсыбыт. Тимирбит киһини Амма өрүс уҥа кытылыттан булбуттар.

Санатан суруйдахха, балаҕан ыйын 23 күнүгэр Сунтаар улууһугар түөрт эр киһи оҥочонон балыктыы барбыттара. Өрөбүлгэ түҥнэстибит оҥочолорун уонна биир балыксыт өлүгүн Бүлүү өрүстэн булбуттара. Үс киһи көстө илик. Кинилэри 60-тан тахса киһи көрдүү сылдьар.