Хаартыска "Амма олоҕо" улуус хаһыатыттан
Эһиил, 2024 сылга, Амма улууһугар Олоҥхо ыһыаҕын ыытарга тэрээһин үлэ былааннанар.
Манна улуус кыраныыссатыттан саҕалаан нэһилиэнньэлээх пууннарга тиийэ киллэрилиннэ. Бэлэмнэнии үлэлэр тустарынан СӨ Бырабыыталыстыбатын бэрэссэдээтэлин солбуйааччы Сергей Местников салалталаах ыытыллыбыт сүбэ мунньахха этилиннэ.
Санатан эттэххэ, Ил Дархан Айсен Николаев дьаһалынан Амма оройуонугар Олоҥхо ыһыаҕын ыытарга бэлэмнэниигэ тэрийэр кэмитиэт састааба бигэргэтиллибитэ.
Сүбэ мунньах иннинэ, оробуочай бөлөх тэрээһиннэр ыытыллыахтаах эбийиэктэрин миэстэтигэр тиийэн көрдө-иһиттэ. Ыһыаҕы ыытарга сүрүн былаһаакканан Амма сэлиэнньэтигэр култуура уонна сынньалаҥ паарката талыллан турар.
Күүтүүлээх ыһыах хайдах ыытыллара, өрөспүүбүлүкэтээҕи куонкурустар бырайыактара оҥоһуллубуттар. Сүрүн режиссерунын СӨ судаарыстыбаннай циркэтин дириэктэрэ Сергей Расторгуев бигэргэтиллибит. Улуус нэһилиэктэригэр эспэдииссийэ чинчийэр үлэлэрэ ыытыллыбыттар. Ол түмүгүнэн «Фольклор Амгинского улуса: традиции и современность» диэн кинигэ бэлэмнэниллэр. Амма олоҥхоһуттарын кинигэтин таһаарар былааннаахтар. ОНтон да атын былаан элбэҕэ этилиннэ.
Быйыл Амма уонна Мэҥэ Хаҥалас, ону сэргэ, Амма уонна Чурапчы сирдэрин-уоттарын икки ардыларыгар баар стелалары өрөмүөннүөхтэрэ. «Кыыс Амма» искибиэргэ хапытаалынай өрөмүөн ыытыллыа. Олоҥхо ыһыаҕар анаммыт арт-эбийиэк тутуллуутун саҕалыахтара. Сүбэ мунньахха Олоҥхо ыһыаҕар сиэр-туом ыытыллар сирдэрин тутуу, тэрээһин кыттыылаахтарын түһэрэр уонна аһатар сирдэр, тэрээһин ыытыллар кэмигэр эбийиэктэри уотунан-күөһүнэн хааччыйыы боппуруостарыгар, о.д.а. тохтоотулар.
Манна даҕатан эттэххэ, Олоҥхо ыһыаҕа-2023 Өймөкөөн улууһугар быйыл от ыйын саҥатыгар ыытыллаары турар.
СӨ Ил Дарханын уонна Бырабыыталыстыбатын пресс-сулууспата
Хаартыска «Амма олоҕо» улуус хаһыатыттан
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…