Ил Дархан, бырабыыталыстыба дьаһалтатын пресс-сулууспата.
Аммаҕа ыытыллар Олоҥхо ыһыаҕын тэрийии боппуруостарынан бырабыыталыстыба бэрэссэдээтэлин солбуйааччы Сергей Местников тэрийэр кэмитиэт мунньаҕын ыытта. Ыһыах буолара чугаһаан, тэрээһин боппуруостара сытыырхайдылар.
Билигин «Амма», «Бөтүҥ» суолларга өрөмүөн ыытыллар. Суолларга быылы аҕыйатыы үлэтэ былааннанар. Тырааныспар хамыыһыйата Амма сэлиэнньэтигэр массыыналар, оптуобустар тохтуур сирдэрин, айанныахтаах суолларын, о.д.а. көрдө-иһиттэ. Ыһыах кэмигэр суоллары сабыы буолуон сөп. Хамыыһыйа көрөн-истэн баран, этиилэрин киллэрдэ.
Кыттааччылары түһэрэргэ 32 социальнай эбийиэк бэлэмнэнэр. 10 тыһыынча миэстэлээх балаакканан түһүү тэриллиэҕэ. Маны тэҥэ, хорчуоппа, атыы-эргиэн туочукалара баар буолуохтара.
Сергей Местников ыам ыйын 17 күнүгэр диэри волонтердары талыыны, үөрэтиини түмүктүүргэ сорудахтаата. Ас-үөл, атыы, тиэйии-таһыы, түһэрии, куттала суох буолууну хааччыйыы боппуруостарыгар этиилэрин киллэрдэ.
Сардааналаах Амма улууһугар Олоҥхо ыһыаҕа бэс ыйын 20-21 күннэригэр буолуоҕа. Сабаҕалааһын быһыытынан, 10 тыһыынчаттан тахса киһи кэлэн, кыттыаҕа, көрүөҕэ-истиэҕэ.
Олоҥхо Ыһыаҕа 2006 сылтан ыытыллар. Бу култуурунай, духуобунай бырааһынньыгы көрсө улуустарга саҥа социальнай эбийиэктэр тутуллаллар, култуура тэрилтэлэрин матырыйаалынай-тэхиньиичэскэй баазалара тупсарыллар, суол-иис оҥоһуллар. 2025 сылга Олоҥхо Ыһыаҕа Нерюнгри оройуонугар ыытыллыаҕа.
Ил Дархан, бырабыыталыстыба дьаһалтатын пресс-сулууспата.
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…