Салгыы
Аммаҕа Олоҥхо ыһыаҕар мас тардыһыыга «Оокко Бухатыыр» күрэхтэһии ыытыллыаҕа

Аммаҕа Олоҥхо ыһыаҕар мас тардыһыыга «Оокко Бухатыыр» күрэхтэһии ыытыллыаҕа

Ааптар:
18.06.2024, 14:39
Хаартыска: СИА
Бөлөххө киир:

XVII өрөспүүбүлүкэтээҕи Олоҥхо ыһыаҕын чэрчитинэн Амма улууһугар успуорт национальнай көрүҥнэригэр, ол иһигэр мас тардыһыыга «Оокко Бухатыыр» күрэх ыытыллыаҕа. Абсолютнай күрэхтэһиилэр Амма улууһуттан төрүттээх биллиилээх мадьыны Платон Прокопьев аатыгар тэриллэр.

Мас тардыһыыга күрэхтэһии бэс ыйын 20 күнүгэр «Тойон түһүлгэ» успуорт түһүлгэтигэр киэһэ 18.00 чаастан саҕаланыаҕа. Күрэхтэһии Саха Өрөспүүбүлүкэтин мас тардыһыыга Федерациятын төрүт быраабылатынан ыытыллар — олимпийскай көрүҥүнэн хас биирдии кыайтарыылаах күрэхтэн туоруур. Турнирга эр дьон, дьахталлар уонна бэтэрээннэр 75 уонна онтон үөһэ киилэҕэ киирсиэхтэрэ. Киирбит сайаапкаларынан көрдөххө, мас тардыһыы турнирыгар Саха сирин күүстээх мадьынылара киирсэллэрэ күүтүллэр: өрөспүүбүлүкэ, Арассыыйа, Европа уонна Аан дойду чөмпүйүөннэрэ.

Хаартыска: СИА

Эр дьоҥҥо 75 киилэҕэ диэри кыайыылаахха 150 000 солк. туттарыахтара, иккис миэстэҕэ — 50 тыһ. солк., үһүс миэстэҕэ — 30 тыһ. солк. 75 киилэттэн үөһэ ыарахан ыйааһыҥҥа кыайыылаахха — 50 тыһ. солк., итиэннэ аймахтарыттан Платон Прокопьев аатынан «Ооко Бухатыыр» анал бирииһи аныахтара.

Дьахталлар уонна бэтэрээннэр ортолоругар кыайыылаахтар уонна призердар 1 миэстэ – 50 тыһ. солк., 2 миэстэ – 30 тыһ. солк., 3 миэстэ – 20 тыһ. солк.. бириискэ тиксиэхтэрэ.
Быйылгы Олоҥхо ыһыаҕар барыта тоҕус успуорт көрүҥэр күрэхтэһиилэр буолара күүтүллэр: саха ыстаҥатыгар, хапсаҕайга, мас тардыһыыга, сүүрүүгэ, «Байанай бэлэҕэ» оҕунан ытыыга уонна «Далай мэндээйи» хаамыска уонна хабылык остуол оонньууларыгар, ону кытта эр дьон ортотугар «Эр бэрдэ» национальнай многоборьеҕа.

Ону таһынан сүүнэ улахан 5 000 000 солк. бириис пуондалаах күүтүүлээх-манаһыылаах биэс дистанцияҕа ат сүүрдүүтэ буолуоҕа. Быйыл успуорт тоҕус көрүҥэр күрэхтэһиини таһынан аттан олорон оҕунан ытыы уонна «Төрүт тустуу» успуорт көрүҥнэрин эмиэ киллэрдилэр. Ыһыах успуорка чааһыгар барыта 300-тэн тахса спортсмен сайаапка килэрбитэ биллэр. Ол курдук, бырааһынньык успорка бырагыраамата өссө кэҥээн, кыттааччыларга да, көрөөччүлэргэ да интэриэһинэй буолуоҕа.

Санаттахха, XVII өрөспүүбүлүкэтээҕи Олоҥхо ыһыаҕа Амма улууһугар бэс ыйын 19-21 күннэригэр ыытыллар.

+1
3
+1
0
+1
0
+1
0
+1
0
+1
0
+1
0
Бары сонуннар
Салгыы
23 июля
  • 23°C
  • Ощущается: 23°Влажность: 64% Скорость ветра: 2 м/с

Сообщить об опечатке

Текст, который будет отправлен нашим редакторам: