Аммаҕа саҥа поликлиника тутулла турар

Share

Амма с. кыраапык быһыытынан симиэнэҕэ 200  киһи сылдьар поликлиникатын тутуу салҕанар. Бу доруобуйа харыстабылын бастакы сүһүөх звенотун саҥардан оҥоруу бырагырааматын иитинэн ыытыллар.

Үлэ 2024 с. кыһын саҕаламмыта. Бу кэм устатыгар таас куорпус тутулунна.

—Билигин 62 исписэлиис эбийиэккэ үлэлиир. Ис өттүгэр истиэнэтин сыбыыллар, дьиэ кырыыһатын оҥороллор. Түннүктэр туруоруллубуттар. Түмүккэ былаһаакканы оҥоруохтара, — диэн этэр Амма улууһун киин балыыһатын кылаабынай бырааһын солбуйааччы Дмитрий Васильев.

Эбийиэги 2025 сыл бүтүүтүгэр туттарыахтаахтар. Саҥа дьиэ наадалаах тэрилинэн, миэбэлинэн хааччыллыа.

—Саҥа поликлиника тутуллан бүтэ охсорун тулуйбакка-тэһийбэккэ күүтэбит. РФ Бэрэсидьиэнэ В.Путин көҕүлээбит национальнай бырайыагынан,  Аммабытыгар былырыыҥҥыттан саҥа поликлиника тутуута саҕаламмыта. Билигин стационарнай комплекс поликлиникаттан балачча ыраах баара саастаах дьоҥҥо табыгаһа суох. Саҥа поликлиника үлэҕэ киирдэҕинэ, барыта чугас-чугас буолуоҕа. Билигин дьон доруобуйатыгар улахан болҕомто ууруллар буолбута олус үөрүүлээх, — диэн Амма сэлиэнньэтин олохтооҕо Анастасия Сутакова санаатын үллэстэр.

Санатан эттэххэ, Саха сиригэр «Уһун уонна көхтөөх олох» национальнай бырайыагынан кэнники сылларга бу салааны саҥардыы үлэтэ балачча ыытылынна:  Чурапчыга, Ытык Күөлгэ, Хонууга, Уус Маайаҕа уо.д.а. улуустарга улахан мэдиссиинэ эбийиэктэрэ тутулуннулар. Амма улууһугар саҥа поликлиника улуус олохтоохторугар мэдиссиинэ көмөтүн саҥа таһымҥа таһаарыа.

Сиһилии: https://minzdrav.sakha.gov.ru/news/8384

СӨ доруобуйа харыстабылын министитэристибэтин саайтыттан

Recent Posts

  • Сонуннар
  • Сүрүн

Саха сирэ «Прорыв года» номинация кыайыылааҕынан буолла

Саха сирэ "Бессмертный полк России" Бүтүн Арассыыйатааҕы хамсааһын пуорумугар "Прорыв года" диэн номинацияҕа кыайыылаах таҕыста.…

5 минут ago
  • Бэрээдэк

16 саастаах оҕо дьон матасыыкылын уоран атыылаабыт

Ленскэй оройуоннааҕы ИДьМ дьуһуурунай чааһыгар олохтоох киһи матасыыкылын уордарбытын туһунан иһитиннэрбит. Эмсэҕэлээччи эппитинэн, 25 тыс.солк.…

20 минут ago
  • Байыаннай эпэрээссийэ
  • Сонуннар
  • Сүрүн

Саха сирин олохтооҕо Юлия Порядочных «Патриот» национальнай бириэмийэни ылла

Мииринэй оройуонун Аҕа дойду буойуннарын дьиэ кэргэннэрин кэмитиэтин салайааччытын солбуйааччы Юлия Порядочных "Патриот" национальнай бириэмийэ…

44 минуты ago
  • Бэрээдэк
  • Уопсастыба

Ньурба олохтооҕо ГАИ үлэһитин үөхпүт

Ньурба улууһун 42 саастаах олохтооҕо ГАИ үлэһитин үөхпүт. Бу туһунан дьуһуурунай борокуруор иһитиннэрэр. Саха сиригэр…

1 час ago
  • Сонуннар
  • Сүрүн

Ил Дархан РФ Бырабыыталыстыбатын стратегическай сиэссийэтигэр кытынна

Ил Дархан Айсен Николаев Уһук Илини социальнай-экэнэмиичэскэй өттүнэн сайыннарыыга РФ Бырабыыталыстыбатын стратегическай сиэссийэтигэр кытынна. РФ…

1 час ago
  • Быһылаан
  • Уопсастыба

ЫБММ үлэһиттэрэ Мархаҕа баһаары умуллардылар

Ааспыт сууккаҕа ЫБММ үэһиттэрэ суол саахалыгар ыҥырыллыбатылар. Техногеннай биэс баһаар бэлиэтэммит, эмсэҕэлээччи да, өлөөччү да…

2 часа ago