Хаартыска: sakha.gov.ru, СӨ доруобуйа харыстабылын министиэристибэтиттэн
Амма улууһун киинигэр саҥа поликлиника тутуута салҕанар. Бу доруобуйа харыстабылын бастакы сүһүөх звенотун саҥардыыга суолталаах хардыы диэн СӨ доруобуйа харыстабылын министиэристибэтэ иһитиннэрэр.
Симиэнэҕэ 200 киһи сылдьарыгар аналлаах поликлиника Амма улууһун олохтоохторун көрүөҕэ. Эбийиэк РФ Бэрэсидьиэнэ В.Путин сорудаҕынан олоххо киллэриллэр «Уһун уонна көхтөөх олох» национальнай бырайыагынан, СӨ Ил Дархана Айсен Николаев «Саха Өрөспүүбүлүкэтигэр уопсастыба доруобуйатын бөҕөргөтүү уонна доруобуйа харыстабылын тиһигин сайыннарыы сүрүн хайысхаларын туcтарынан» ыйааҕын сыалын-соругун толоруу иитинэн тутуллар.
—Бүгүҥҥү күҥҥэ эбийиэк 75% бэлэм. Таас куорпус тутулунна, дьиэ иһин оҥороллор, ититии ситимин холбууллар. Саҥа эбийиэги мэдиссиинэ тиэхиньикэтинэн эрэ буолбакка, ийэ уонна оҕо хосторун, пациеннары күүтэр сирдэри эмиэ наадалаах тэриллэринэн, миэбэлинэн хааччыйары былаанныыллар. Онон табыгастаах усулуобуйа тэриллиэ уонна мэдиссиинэ көмөтүн оҥоруу хаачыстыбата тупсуо, — диэн тустаах министиэристибэҕэ бэлиэтииллэр.
Аммаҕа поликлиника тутуллуута РФ Бэрэсидьиэнэ В.Путин көҕүлээбит доруобуйа харыстабылын бастакы сүһүөх звенотун саҥардыы киэҥ далааһыннаах бырагырааматын сорҕотунан буолар. Бу бырагыраама иитинэн Саха сиригэр Майаҕа, Сангаарга балыыһа комплекстара, Бүлүүгэ, Намҥа, Ньурбаҕа эмтиир куорпустар, Аллараа Бэстээххэ балыыһа тутуллаллар.
СӨ доруобуйа харыстабылын миниистирэ Лена Афанасьева бу бырайыак суолтатын тоһоҕолоон бэлиэтиир: — Аммаҕа поликлиника тутуллуута — бу көннөрү дьиэни эрэ тутуу буолбатах, бу улуус олохтоохторун доруобуйаларын тупсарыыга, кинилэр чэгиэн-чэбдик буолууларыгар кыһамньы. Биһиги Саха сирин хас биирдии олохтооҕун табыгастаах, хаачыстыбалаах мэдиссиинэ көмөтүнэн хааччыйарга дьулуһабыт.
СӨ Ил Дарханын уонна Бырабыыталыстыбатын пресс-сулууспата
Хаартыска: sakha.gov.ru, СӨ доруобуйа харыстабылын министиэристибэтиттэн
Быйыл тохсунньуттан орто үөрэх кэнниттэн үрдүк үөрэххэ туттарсааччыларга уларыйыы киирдэ. Туох? Орто үөрэҕи бүтэрбиттэр эрдэ…
Туһанааччылар бырааптарын көмүскээһин уонна киһи доруобуйатын хонтуруоллуур федеральнай сулууспа (Роспотребнадзор) «Нестле Россия» ХЭТ биэрбит иһитиннэриитигэр…
«Тэтим» араадьыйа «Былааһы кытта кэпсэтии» биэриитигэр Саха Өрөспүүбүлүкэтин Экологияҕа, айылҕаны туһаныыга уонна ойуур хаһаайыстыбатын миниистирэ…
Хаҥалас улууһугар гараастан 68 саастаах эр киһи өлүгүн булбуттар. Бу туһунан тохсунньу 30 күнүгэр сарсыарда…
Саҥа сыл аан дойдуга элбэх араллааннаах саҕаланна. Кимиэхэ эрэ эрэл кыымын саҕан, кимиэхэ эрэ эрэл…
“Саха сирэ” хаһыат бүгүҥҥү бээтинсэтээҕи нүөмэригэр киһи аахтар-ааҕа олоруох бииртэн биир олус ааҕыллымтыа матырыйаал хаһыат…