Андрей Сорокин (СИА) түһэриитэ
Амма улууһун киинигэр өрөспүүбүлүкэ баһылыга Айсен Николаев уунан хааччыйар ситими тутууну бэрэбиэркэлээтэ.
Билиҥҥэ диэри аммалар муус ылаллар, уу таһар массыынаны сакаастыыллар, элбэх кыбартыыралаах дьиэлэргэ олорооччулар бытыылкалаах ууну сакаастыыллар.
Саҥа водозабор уонна ыраастыыр ыстаансыйа нэһилиэнньэлээх пуунтан ырааҕа суох сиргэ “Ыраас уу” бырагырааманан тутуллаллар.
Айсен Николаев тутуу үлэтэ былаан быһыытынан ыытылларын бэлиэтээтэ. Эбийиэк 40%. бэлэм, бу сыл бүтүүтэ туттарыллыахтаах. 30 киһи уонна 8 тиэхиньикэ үлэлиир.
Тутуу үлэтин сакаасчыта – “СӨ ОДьКХ” ГУП, бэдэрээтчит – “Вариант плюс” ХЭТ.
Эбийиэк 523 мөл солк. сыаналаах, итинтэн 517 мөл солк. федеральнай бүддьүөттэн бэриллибитэ. Бу тутууну сэргэ Алтаҥҥа эмиэ уунан хааччыйыы ситимэ тутуллуохтаах.
2023 сылга Амманы сэргэ Горнай, Сунтаар. Хаҥалас, Өлүөхүмэ оройуоннарыгар эбийиэктэри тутуу түмүктэниэхтээх. Оччоҕуна ыраас иһэр уунан 34 тыһыынча олохтоох хааччыллыаҕа.
Эбийиэктэри “Ыраас уу” эрэгийиэн бырагырааматынан туталлар. Бу бырагырааманы 2018 сылга Айсен Николаев экология тупсаҕай буолуутугар анаабыт бастакы ыйааҕынан көҕүлээбитэ.
СӨ Ил Дарханын уонна СӨ Бырабыыталыстыбатын пресс-сулууспата
Хаартыска: Андрей Сорокин (СИА).
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…