Бүгүн, кулун тутар 21 күнүгэр, Аммаҕа Д.Трифонов аатынан ипподромҥа Сылгыһыт күнүгэр анаммыт өрөспүүбүлүкэтээҕи күрэхтэһии саҕаланна. Манна атыыр сылгы быыстапката, атыыта, сылгыһыттар күрэхтэһиилэрэ, итиэннэ сылгыны иитии боппуруостарынан мунньах ыытыллыаҕа.
«Бүгүн өрөспүүбүлүкэҕэ сылгы ахсаана 182 тыһыынчаны куоһаран, Саха сирэ Арассыыйа эрэгийиэннэригэр бастаан иһэр. Бу – сылгыны үөрдээн иитээччилэр өрөспүүбүлүкэбит араас муннуктарыгар ыраах сытар мэччирэҥ сирдэри көдьүүстээхтик туһаныыны хааччыйар сыралаах үлэлэрин түмүгэ. 2022 сылга Амматааҕы Строд аатынан кооперативка «саха сылгытын иитэр собуот» диэн федеральнай статус иҥэриллибитэ улахан суолталаах дии саныыбын», — диэн Ил Дархан Айсен Николаев эппитэ.
Бүгүҥҥү тэрээһин саамай күүтүүлээх күрэҕинэн «Сылгыһыт күрэҕэ» буолар. Манна өрөспүүбүлүкэ 11 улууһуттан 19 хамаанда күрэхтэһиэҕэ. Барыта 76 сылгыһыт кыттыаҕа. Быыстапкаҕа кытта диэн Аммаҕа 2-5 саастаах 38 сылгыны аҕаллылар.
Бу күн өрөспүүбүлүкэҕэ сылгыны иитии кыһалҕаларын таарыйар «төгүрүк остуол» ыытыллыаҕа. Мунньахха 15 улуус бэрэстэбиитэлэ көхтөөх кыттыыны ылыаҕа.
«Сылгыһыт күнүн Саха сиригэр сэттис сылбытын бэлиэтиибит. Өрөспүүбүлүкэбитигэр Социалистическай Үлэ Дьоруойа наҕараадалаах алта сылгыһыт баарын бэлиэтиибин. Инникитин Сылгыһыт күнүн өссө киэҥ далааһыннаахтык бэлиэтиир буолуохпут», — диэн СӨ Бырабыыталыстыбатын бэрэссэдээтэлин солбуйааччы Михаил Никифоров бэлиэтээн этэр.
Сылгыһыт күнүн 2017 сылтан саҕалаан кулун тутар 21 күнүгэр бэлиэтиибит. Ааспыт сылларга Ньурба, Чурапчы, Мэҥэ Хаҥалас, Үөһээ Бүлүү, Нам улуустарыгар уонна Дьокуускайга ыытыллыбыта.
Дьокуускайга Киргизияттан төрүттээх эр киһи кыбартыыратыгар көҥүлэ суох сэттэ миграны бырапыыскалаабыт. ИДьМ Дьокуускай куорат 1-кы…
Ил Түмэн спикерэ Алексей Еремеев парламеҥҥа сэттис (уочараты таһынан) пленарнай мунньахха ыҥырар дьаһалга илии баттаата.…
Бүгүн, ыам ыйын 17 күнүгэр, Дьокуускай куорат Хатас бөһүөлэгэр олохтоох Мария Оконешникова сүүрэ сылдьан кыталыктары…
Бүтэһик сууккаҕа Дьокуускайга сааскы халаан уутун таһыма үрдүүрэ күүтүллэр. Бүгүн, ыам ыйын 17 күнүгэр, сарсыарда…
Ыам ыйын 15 күнүгэр Үөһээ Бүлүү улууһун Туобуйа нэһилиэгэр икки киһи эмсэҕэлээһиннээх быһылаан тахсыбыта. Туобуйаттан…
Бэҕэһээҥҥиттэн, ыам ыйын 16 күнүттэн, «Полярные авиалинии» Ми-8 бөртөлүөтэ Өлүөнэ өрүһү туоратар үлэтин саҕалаата диэн…