Аммаҕа уол оҕо алҕас доҕорун ытан өлөрбүт

Саха сиринээҕи Силиэстийэлиир кэмитиэт үлэһиттэрэ Амма улууһугар оҕо өлүүлээх быһылаан тахсыбытын силиэстийэлииллэр.

СИА-ҕа быраабы араҥаччылыыр уорганын үлэһиттэрэ иһитиннэрбиттэринэн, булт кэмигэр 13 саастаах оҕо суорума суолламыт.

«Быһылаан бэс ыйын 3 күнүн сарсыардатыгар буолбут. 12 уонна 13 саастаах оҕолор эр киһини кытта бултуу тахсыбыттар. Барыллаан быһаарбыттарынан, биир уол саатын сүгэн иһэн охтубут, ону кытта иннигэр хааман испит  уолу төбөтүгэр ыппыт», — диэн СИА суруйар.

Миэстэтигэр силиэстийэ ыытыллар уонна туоһулары доппуруостууллар.