Хаартыска: Елена Потоцкая түһэриитэ.
Бүгүн, от ыйын 13 күнүгэр, Амма сэлиэнньэтигэр доруобуйаларынан хааччахтаах дьоҥҥо аналлаах 14-с «Дьулуур» адаптивнай успуорт көрүҥнэригэр спартакиада үөрүүлээх быһыыга-майгыга аһыллыаҕа.
20-тэн тахса улуустан кэлбит күрэхтэһээччи успуорт 6 көрүҥэр кыттыыны ылар. Ол курдук, спортсменнар олорон эрэ волейболга, чэпчэки атлетикаҕа, остуол тенниһигэр, дуобакка, голболга, буулдьанан ытыыга күрэхтэһэ сылдьаллар. Спартакиаданы аһар уонна сабар сиэр-туом «Амма» олимп-стадионугар ыытыллыаҕа. Бочуоттаах ыалдьыттар ортолоругар Арассыыйа паралимпийскай кэмитиэтин бэрэсидьиэнин солбуйааччы, паралимпийскай оонньуулар чөмпүйүөннэрэ Иван Потехин, Арассыыйа үтүөлээх тириэньэрэ, сүһүөхтэригэр кэһиллиилээх дьон ортотугар остуол тенниһигэр тириэньэр Дмитрий Созонов, спорт бу көрүҥэр Арассыыйа сүүмэрдэммит хамаандатын ыстаарсай тириэньэрэ Максим Слаботчуков бааллар. Спартакиада аһыллыытыгар Саха сириттэн паралимпиецтар уонна сурдоолимпиецтар Анастасия Диодорова, Степанида Артахинова, Алена Дмитриева, Владимир Балынец, Василий Стрекаловскай тус тириэньэрдээрин кытта кыттыахтара.
Спартакиада курдук суолталаах күрэхтэһии үгүс тэрээһин үлэни эрэйэр. Былырыын сэтинньигэ СӨ Бырабыыталыстыбатын дьаһала тахсаатын кытта, тута өрөспүүбүлүкэтээҕи тустаах хамыыһыйалар тэриллибиттэрэ. Онно спортивнай күрэхтэһиилэри тэҥэ култуурунай бырагыраамаҕа болҕомто эмиэ ууруллубута. Онон Култуура министиэристибэтин, улуустааҕы култуураҕа управлениетын өйөбүллэринэн олус кэрэхсэбиллээх култуурунай тэрээһиннэр буола тураллар. Амма улууһун ыалдьыттара күрэхтэһиилэри көрө-көрө үгүс култуурунай тэрээһиннэри кэрэхсии көрөллөр. Ол курдук, саха эстрадатын тыйаатырын артыыстарын туруорууларыгар «Үлэ үөһүгэр таптал», «Уйбаанчык» курдук музыкальнай испэктээхтэр көстүөхтэрэ.
Оттон доруобуйаларынан хааччахтаах спортсменнар бу чааска тыҥааһыннаах киирсиилэргэ буһа-хата сылдьаллар. Ол курдук, бүгүн эр дьон уонна дьахталлар олорон эрэн волейболга күрэхтэһиилэрэ, голболга, буулдьанан ытыыга, чэпчэки атлетикаҕа, дуобакка, остуол тенниһигэр күрэхтэһии буола турар.
Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…
Арассыыйаҕа бигэргэтиллибит халандаарынан, 2026 сылга биһигини 28 бырааһынньык уонна өрөбүл күннэрэ күүтэллэр. Саҥа дьыллааҕы өрөбүллэр…
2026 сыл хайдах буолуоҕун билгэһит, көрбүөччү Татьяна Захарова-Татыйык кэпсиир: — Моҕой сыла бүтэн эрэр, аны кыһыл…
Август Егоров салайааччылаах «Айар» национальнай кыһа генеральнай дириэктэрин солбуйааччы, суруйааччы, СӨ култууратын үтүөлээх үлэһитэ, СӨ…
2026 сылга төлөбүрдэри былаан быһыытынан үрдэтии бары биэнсийэлээхтэри таарыйыа. Төлөбүр кээмэйэ уонна төһө чаастатык уларыйара,…
Майонезтаах салааттары сөпкө харайарга анаан хас да сүбэни таһаарабыт: 1. Сибиэһэй уонна хаачыстыбалаах бородууктаны туһаныҥ…