Хаартыска: Мичил Яковлев
Бэҕэһээ, ахсынньы 26 күнүгэр, Августина Филиппова айар киэһэтигэр Амма делегацията эҕэрдэлии кэлэн, ураты эриэккэс бэлэҕи Амма улууһун бочуоттаах гражданиныгар туттарда.
Ол курдук, улуус баһылыгын социальнай эйгэҕэ солбуйааччы Ньургуйаана Илларионова, улуус култуураҕа управлениятын начаалынньыга Иван Иванов, Болугур нэһилиэгин баһылыга Андрей Петров, Амма тимир уустарын түмсүүтүн салайааччыта Роман Алексеев уонна норуот маастара Валентина Стручкова -Сарыада уус үрүҥ көмүс кыптыыйы көрөөччүлэр дохсун ытыстарын тыаһын ортотугар туттардылар.
Өр толкуйдаан баран аммалар Кулун атах култууратын кытта сибээстээн Сырдык сириттэн Саха сиригэр бастакы булуллубут кыптыый моһуонунан амматтан төрүттээх, тимир уустарын союзтарын бэрэссэдээтэлэ Александр Терентьев — Айгын уус угун удьурҕайдаан, үрүҥ көмүстээн оҥорбут эсклюзивнай кыптыыйын бары баҕа санаа кэрэтин баҕаран туран туттардылар.
Эһиил ыытыллар Олоҥхо ыһыаҕар Аммалар тимир уустарын күрэҕэр Кулун атахтарын тимир уустарыгар сүгүрүүйүү бэлиэтинэн кыптыыйы оҥорууну киллэрбиттэрин этэн тураннар Августина Николаевнаны уонна кини дьоро киэһэтигэр кэлбит дьону бука барыларын эһиилги Олоҥхо Ыһыаҕар ыҥырдылар.
Улахан иис — уус куттаах, кэрэни эрэ саҕар Далбар хотуммутугар аммалар бэлэхтэрэ тугунан да кэмнэммэт үйэлэргэ кэпсэнэр, хараллар, ууруллар бэлэх буолбутун Августина Николаевна бэлиэтээн дьонноругар махтанна.
Саха сиригэр 2025 сылга чэпчэтиилээх эминэн хааччыйыы бырагырааматынан 198 тыһыынчаттан тахса киһи хааччылынна. Бу туһунан…
Бу күннэргэ Үөһээ Бүлүү улууһун ыраах сытар Сургуулук нэһилиэгэр "Кыра кыамталаах хотону тутуу, өрөмүөннээһин, модернизациялааһын"…
Борокуратуура орооһуутун кэннэ, Өймөкөөн улууһугар эмтиэкэҕэ эмп-том аҕалыллыбыт уонна биэлсэр үлэнэн хааччыллыбыт. Бу туһунан СӨ…
Саха сиригэр сибиинньэ иитиитинэн дьарыктанааччы кэнники сылларга аҕыйаата. Бэл, улахан хаһаайыстыбалар сабыллыбыттарын киһи соһуйа истэр.…
Ааспыт сууккаҕа Саха сиригэр биэс буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…
Саха сиригэр тыйыс-тымныы кыһыммытыгар киһи организма араас охсуулары ылар. Ол иһигэр үлүйүү биир саамай сүрүн…