Хаартыска: Мария Васильева, СИА.
СӨ судаарыстыбаннай былааһын ситэриилээх уорганын отчуотун кэмигэр нэһилиэктэринэн сылдьан көрдөххө, Олоҥхо ыһыаҕар бэлэмнэнии үлэтэ көхтөөхтүк барар.
Аммаҕа ыһыллар Олоҥхо ыһыаҕар бэлэмнэнии ааспыт сылтан барар, өрөспүүбүлүкэтээҕи тэрийэр кэмитиэт бигэргэммит былааннаах үлэни ыытар. Онно олоҕуран 120 мөл. солк. суумалаах үп көрүллүбүт. Манна айымньылар күрэстэрин ыытар түһүлгэлэр — ураһалар, балаҕаннар, атын даҕаны дьиэ-уот тутуллуоҕа.
Ыһыаҕы тэрийэр өрөспүүбүлүкэтээҕи кэмитиэт бэрэссэдээтэлэ Сергей Местников билигин култуура тэрээһинигэр бэлэмнэнии бара турарын, кулун тутарга Аммаҕа билим-мэтиэдикэ кэмпириэнсийэтэ ыытыллара былааннанарын иһитиннэрэр. Миэстэтигэр учуонайдар, ыһыаҕы тэрийээччилэр, олоҥхоһуттар тиийэн кыттыахтара, дьону-сэргэни олоҥхо эйгэтигэр уһуйуохтара.
Итини таһынан суол-иис өрөмүөннэниэҕэ, сайыҥҥы быылы хаптатыы, түһүлгэни интэриниэтинэн хаччыйыы, о.д.а. үлэ барыаҕа.
СӨ бырабыыталыстыбатын бэрэссэдээтэлин солбуйааччы Сергей Местников: “Дьон-сэргэ отчуот кэмигэр Олоҥхо ыһыаҕын туһунан ыйыталаһар, кэпсэтэр. Нэһилиэктэр бэйэлэрэ ыһыаҕы тэрийии сүпсүлгэнигэр сылдьалларын көрөр олус үчүгэй. Бу дьон-сэргэ көхтөөҕүн, Олоҥхо ыһыаҕын ыытыыга туруммутун көрдөрөр. Онон өрөспүүбүлүкэ да, муниципальнай таһымҥа даҕаны ыытылла турар тэрээһин үлэтэ ситэн, быйыл сайын бэс ыйын 20-21 күннэригэр Амма улууһугар Олоҥхо ыһыаҕын үрдүк тэрээһиннээхтик ыытыахпыт диэн эрэллээхпит.
Сорох дьон Олоҥхо ыһыаҕын бырааһынньык, тэрээһин курдук өйдүүр. Бу – төрүт көрүҥмүтүн, култуурабытын, үгэспитин арыйан, тэнитэн көрдөрөр соруктаах ыһыах. Ону тэҥэ, Олоҥхо ыһыаҕын ыыппыт элбэх улуус биһиэхэ сайдыы аартыктара арыллан биэрдэ диэн бэлиэтиир. Ол аата Олоҥхо ыһыаҕа улуус сайдарыгар олук буолар”, — диэн этэр.
Күн бүгүн аммалар ыһыахха бэлэмнэниилэрэ көхтөөх. Нэһилиэктэр: “500 миэтэрэ ситии хатыахтаахпыт, икки сүүсчэкэлии олбох тигэн туттарыахтаахпыт”, – дэһэн, атын улуустарга буолбут ыһыахтан хаалсымаары үтүө түбүккэ сылдьаллар. Манна даҕатан эттэххэ, аммалар өрөспүүбүлүкэ таһымнаах тэрээһиннэри ыытарга үөрүйэхтэр, ону икки төгүллээн утуу-субуу барбыт спартакиадалар даҕаны туоһулууллар.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…