Аммалар Татьяна Баишеваҕа 500 тыһ.солк. сэртипикээти туттардылар

Аммалар мас-рестлиҥҥэ аан дойду чөмпүйүөнэ Татьяна Баишеваҕа «Саха сирин киэн» туттуута диэн анал бэлиэни туттардылар.

Амма улууһун дьаһалтата иһитиннэрбитинэн, анал бэлиэни сэргэ Татьяна Баишеваҕа  500 000 солк. сэртипикээти үөрүүлээх быһыыга-майгыга улуустааҕы ыһыах кэмигэр туттардылар. Итиэннэ олохтоох дьаһалтаттан 100 000 солк. сэртипикээти биэрдилэр.

Санатан эттэххэ, бу саас эр дьоҥҥо уонна дьахталларга аан дойду чөмпүйэнээтэ Бразилияҕа «Арнольд Классик» норуоттар икки ардыларынааҕы бэстибээл иитинэн  ыытыллыбыта. Киэҥ далааһыннаах улахан күрэхтэһии түһүлгэтигэр 10 дойдуттан 30-тан тахса мадьыны кыттыбыта.