Хаартыска: видеоттан -- скрин.
Амма улууһун баhылыга Степан Николаевич Кузьмин муҥхатын кэмигэр, сэтинньи 9 күнүгэр балыктыыр биригээдэлэр икки ардыларыгар күрэхтэһии ыытыллыаҕа. Бу туһунан улуус дьаһалтатын телеграм-ханаала иһитиннэрэр.
Күрэхтэһии тыыл уонна үлэ бэтэрээнэ, Социалистическай куоталаһыы чөмпүйүөнэ, ССРС Кинематографиятын туйгуна, Эмис нэһилиэгин бочуоттаах олохтооҕо, кадровай булчут, Эмис муҥхатын өр сылларга салайбыт Афанасий Михайлович Бубякин аатын үйэтитэн тэриллиэҕэ.
Муҥха Эмис нэһилиэгин Хойуо Эбэтигэр сэтинньи 9 күнүгэр 9 чаастан саҕаланыаҕа.
Хамаандаттан биэстии киhи кыттара ирдэнэр, бу күн муҥхаҕа үлэлээбит биригээдэ чилиэннэрэ киирэллэр.
Түһүмэхтэрэ:
— ойбон алларан 50 м. үтүмэх сүүрдүү;
— кууллаах балыгы сүгэн сүүрүү эстафетата;
— ханаат тардыhыы, биэс киһи киирэр.
Кыайыылаахтар улуус баhылыга Степан Николаевич Кузьмин, Афанасий Михайлович Бубякин оҕолоро, сиэннэрэ, олохтоох дьаhалта туруорбут мэтээллэринэн, грамотанан, сыаналаах бириистэринэн наҕараадаланыахтара диэн тэрийээччилэр иһитиннэрэллэр.
Порталга “жизненная ситуация” диэн саҥа раздел баар буолла. Манна дьиэ кэргэн иһигэр күүһүнэн өттөйүү көрүҥнэрэ…
СӨ урбааҥҥа, эргиэҥҥэ уонна туризмҥа миниистирэ Георгий Андреев бүгүн, ахсынньы 23 күнүгэр, СӨ Ил Дарханын…
Быйыл ахсынньы 15 күнүгэр саха литературатын төрүттээччилэртэн эдэрдэрэ, сахалыы комедия жанрын олохтообут драматург, саха уонна…
Үүнэр сылга социальнай эйгэҕэ саҥа көмө миэрэлэрэ киириэхтэрэ уонна босуобуйалар, төлөбүрдэр суумалара индексацияланан, үрдүөҕэ. Тоҕо…
“Инникигэ хардыы” эдэр чинчийээччилэр өрөспүүбүлүкэтээҕи билим кэмпириэнсийэ-куонкурустара 1996 сылтан ыытыллар. Үбүлүөйдээх 30-с тэрээһин тохсунньу 12-14…
Саха Өрөспүүбүлүкэтин Судаарыстыбаннай Мунньаҕын (Ил Түмэнин) уон алтыс ыҥырыылаах пленарнай мунньаҕа саҕаланна. Пленарнай мунньах ахсынньы…