Хаартыска: улуус дьаһалтатын пресс-сулууспата
Ыам ыйын 26 күнүгэр, Арассыыйаҕа урбаанньыт күнүгэр, Амма улууһун урбаанньыттара ыһыах тэрийэн бэлиэтээтилэр.
— Улуус урбаанньыттара өрүү уопсастыба инники күөнүгэр сылдьалларынан киэн туттабыт. Кинилэр араас уопсастыбаннай тэрилтэлэр нөҥүө төрөөбүт дойдубут олоҕор өрүү көхтөөхтүк кытталлар, байыаннай дьайыы кыттыылаахтарыгар, кинилэр дьиэ кэргэттэригэр, оҕо дьиэлэригэр, аһымал тэрилтэлэригэр көмөлөһөллөр, успуорт уонна култуура сайдыыларыгар улахан өйөбүл буолаллар, — диэн Амма дьаһалтатын пресс-сулууспата иһитиннэрэр.
Хаартыска: улуус дьаһалтатын пресс-сулууспата Хаартыска: улуус дьаһалтатын пресс-сулууспата
«Бырааһынньыгынан! Сыралаах, дьаныардаах үлэҕит, дьулуургут уонна барытыгар көхтөөх сыһыаҥҥыт иһин махталбын тиэрдэбин. Ис сүрэхпиттэн барыгытыгар ситиһиилэри, эрэллээх бииргэ үлэлиир дьону, кытаанах доруобуйаны уонна этэҥҥэ буолууну баҕарабын!», — диэн урбаанньытары Амма улууһун дьаһалтатын уонна тус бэйэтин аатыттан идэлээх бырааһынньыктарынан улуус баһылыга Степан Кузьмин эҕэрдэлээтэ.