ВестиПриморья сайт хаартыската
Амур баабыра бэйдиэ сылдьар ыттарга сэрэхтэммитин туһунан, тохсунньу 21 күнүгэр «Вести: Приморье» иһитиннэрбит.
Ол курдук Дальнереченскай куорат уокуругун дьаһалтатыгар иһитиннэрбиттэринэн, баабыр(тигр) Каменушка диэн түөлбэҕэ көҥүл сылдьарын дьон көрбүт. Уокурук иһигэр баабыр сылдьарын туһунан суһал иһитиннэриини дьаһалта тута Приморскай кыраай бырабыыталыстыбатын булт хаһаайыстыбатыгар иһитиннэрбит. Кыһыл кинигэҕэ киирбит Амур баабырын ахсаанын харыстыыр соруктаах үлэ ирдииринэн, баабыры тутуу кини ыалдьыбыт уонна бааһырбыт эрэ буоллаҕына көҥүллэнэр. Дьон баабыр сылдьар сирин-уотун быраабылатын кэһиититтэн иирсээн саҕаланыан сөбүн ыйбыттар. Баабыр сүрүннээн бэйдиэ сылдьар ыттары сиэри нэһилиэнньэлээх пууннарга киирэрин бэлиэтээбиттэр. Онон Булт хаһаайыстыбатын управлениета иһитиннэрбитинэн, Каменушка түөлбэҕэ баайыыта, көрүүтэ-истиитэ суох сылдьар ыттары хааччахтыыр туһунан уонна ыттаах хаһаайыттар ыттарын вольерга хаайалларын курдук дьаһайбыттар. Дальнереченскэй куорат уокуругун дьаһалтата уонна ИДьМ кыттыгас рейдэ үлэлэрин тэрийэр туһунан быһаарыммыттар. Баабыр аһыыр сирэ суох буоллаҕына нэһилиэнньэлээх пууҥҥа киириэ суоҕа диэн этэллэрэ оруннаах.
Оттон биһиэхэ, Дьокуускайга, онтон да атын нэһилиэнньэлээх пууннарга баабыр да кэлбэттэр, бэйдиэ сылдьар ыт ахсаана аччаабат. Саас буолла да бары көҥүл-босхо баран дьон-сэргэ, оҕо-аймах сылдьарыгар кутталынан суоһууллар. Биир кэлим диспиэччэрскэй сулууспаҕа моойторуктаах, ол эбэтэр хаһаайыннаах ыттары туппаппыт диэн иһитиннэрэллэр.
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…
Аҕа дойдуну көмүскээччилэр күннэригэр диэри биир нэдиэлэттэн эрэ ордук кэм хаалла. Дьокуускайтан байыаннай дьайыы зонатыгар…
Өрөспүүбүлүкэҕэ суукка иһигэр 4 буруйу оҥоруу туһунан иһитиннэрии киирдэ, диэн СӨ дьуһуурунай борокуруора биллэрэр. Дьокуускай…
Уус Алдан улууһун Найахы иистэнэр уран тарбахтаах далбар хотуттара дойду көмүскэлигэр сылдьар буойуннарга анаан таҥас,…