Амур уобалаһын уонна Саха сирин икки ардынааҕы суолга тырааныспар сырыыта хааччахтанна

«Лена» федеральнай суолунан айанныыр дьоҥҥо куттал суох буолуутун хааччыйар сыалтан, 172-тэн 639 км диэри учаастакка улахан уйуктаах таһаҕас тиэйэр массыыналар сырыыларын хааччахтааһын 2024 сыл алтынньы 15 күнүгэр (олохтоох бириэмэнэн) 08.00 ч. диэри уһатылынна.

Санатан эттэххэ, алтынньы 12 күнүттэн Амур уобалаһын уонна Саха сирин икки ардынааҕы суолга хаар өлгөмнүк уонна тыал түһэн улахан уйуктаах таһаҕаһы тиэйэр массыыналар сырыыларыгар хааччахтааһын олохтоммута.

«Лена» айан суолун салалтата ыксаллаах быһыы-майгы тахсар түгэнигэр быыһыыр сулууспаҕа 112 эбэтэр суһал дьуһуурунайга 8(41145) 31218; 8924 173 12 18 биллэрэргитигэр көрдөһөр.