Андрей Сорокин хаартыскаҕа түһэриитэ
Бэҕэһээ «Путь воина» күрэхтэһиигэ Саха сирин «Боотур» хамаандата уонна Хабаровскай «Амурские воины» хамаанда кииристэ. Бу түһүмэххэ Саха сирин «Боотур» хамаандата кыайда.
«Амурские воины» хамаанда байыаһа Никита Чингаев биһиги хамаандабыт дьоһуннаах утарсыыны көрдөрбүтүн кэпсээтэ:
— Утарсааччыларбытын кытары оонньуу саҕаламмытын кэннэ, түөрт чаас буолан баран, хатыҥ чараҥнаах сиргэ көрсүбүппүт, ытыалаһыы саҕаламмыта. Ото-маһа хойуу соҕус буолан, ыраахтан киһи үчүгэйдик көрбөт эбит. Хамандыырбыт стратегияны уонна хайдах киирэр ньымабытын быһаарбыта. Биэс киһи утары кимэн киирэр, бүтэһик биэс киһи утарылаһааччы сытар сирин кэннинэн барбыппыт. «Өстөөх» баар сиригэр чугаһаан баран, үөмэн иһэн, ким чугас баарын көрөөрү өндөйбүтүм, эмискэ кэннибэр дрон көтөн кэлбитэ. Ону көрөөт сиргэ сытыммытым. Ол сытан утарылаһааччыларым хаһыыларын истибитим. Кинилэр бэйэлэрин тылларынан кэпсэтэллэрэ. Бастаан үс киһини көрбүтүм, биири тута охторбутум. Ол кэннэ бэйэбин «өлөрбүттэрэ». Биһиги бары, хамандыыртан ураты байыастар «өллүбүт». Хамандыырбыт ханна баарын билбэппит, бары ойууртан таҕыстыбыт. Саамай ыарахана – бэйэ секторын тута сытыы эбит. Тыаҕа илдьэн хаалларбыттарын кэннэ, биэс чаас буолан баран марш-бросок оҥорбуппут, онно күүспүт-уохпут эстибитэ. Биһиги кыахпыт иһинэн кииристибит, ол эрээри хоттордубут. Саха сирин хамаандата күүстээх утарсааччы буоларын бигэргэттэ.
«Кыһын Саха сириттэн саҕаланар» бэстибээл чэрчитинэн бэрт үгүс тэрээһин буолан ааста. Биир оннук дьон уоһуттан…
Бу 2025 сыл тохсунньутуттан ахсынньы 2 күнүгэр диэри Амур уобалаһын уонна Саха Өрөспүүбүлүкэтин Россельхознадзорун управлениетын…
Өрөспүүбүлүкэбитигэр «Үһүс көлүөнэ оскуолата» тэриллэн үлэлээбитэ балай да кэм ааста. Аҕам саастаах дьон, дьиэҕэ хаайтаран…
Дьокуускай куоракка «Биир ньыгыл Арассыыйа» баартыйа уопсастыбаннай өйөбүлүн ыстаабыгар Доброволецтар күннэригэр анаммыт тэрээһин буолан ааста.…
Арассыыйа норуотун артыыһа Лариса Долина кини кыбартыыратын атыыласпыт Полина Лурьеҕа 112 мөл. солк. төнүннэрэр санаалааҕын…
Дьокуускай куорат эмиэ биир сыл буолан баран, Уһук Илин уонна Арктика сыыппара киининэн кубулуйда. Төрдүс…