АН-2 салгын аала көһүннэ!

АН-2 cөмөлүөккэ баар эмсэҕэлээбит үс киһини Теплай Ключ сэлиэнньэтигэр тиэрдибиттэр.

Ыксаллаах балаһыанньа буолбутун туһунан 12.30 ч. диэки биллэрбиттэр. Тута бөртөлүөт көппүт. Ол туһунан иһитиннэрии бу иннинэ тахсан турар.

Ан-2 «Миан» авиахампаанньа сөмөлүөтэ. RA-81532 борт бэс ыйын 10  күнүгэр олохтоох бириэмэнэн 11:05 ч. көппүт. Ойуур баһаардарынан Томпо улууһугар авиамониторинг оҥоро. Бортка икки экипаж чилиэнэ уонна биир летчик-наблюдатель бааллара этиллибитэ.

Кинилэр этэҥҥэлэр, 17.00 ч., үһүөннэрин Теплай Ключ сэл. тиэртилэр. Эмсэҕэлээбиттэри эрэгийиэннээҕи көрдүүр-быыһыыр бааза быыһааччылара өрүһүйдүлэр.

Авиалесоохрана сеөмөлүөтүн бөртөлүөт көрдүү көппүтүн туһунан манна көрүөххэ сөп: https://sakha-sire.ru/avialesoohrana-semelyetyn-kerdyy-bertelyet-keppyt/