Ан-26 «Атмосфера» хотугу улуустарга ардаҕы аҕалла

Ааспыт нэдиэлэҕэ Ан-26 «Атмосфера» зондировщик-сөмөлүөт 3 улуус үрдүнэн оҥоһуу ардаҕы көбүтэр үлэлэри ыыппыт. Ол кэнниттэн халлаантан түһэр сөҥүү биллэ эбиллибит.

Ыытыллыбыт үлэ түмүгэр Орто Халымаҕа уонна Үөһээ Халымаҕа уот күүһэ лаппа намтаан, эрдэ биллэрилибит баһаар кылааһа 1 таһымҥа диэри намтатыллыбыт. Муомаҕа Соболоох аттыгар күөдьүйбүт баһаар суох оҥоһуллубут.

Бэлиэтээн суруйдахха, Ан-26 «Атмосфера», Арассыыйаҕа бастакы дойду иһигэр оҥоһуллар сөҥүүнү ыҥырар оборудованиенан хааччыллыбыт сөмөлүөт.