Салгыы
Анаабыр өрүскэ харыыны дэлби тэптэрдилэр

Анаабыр өрүскэ харыыны дэлби тэптэрдилэр

01.06.2024, 12:00
Хаартыска: СӨ Быыһыыр сулууспата.
Бөлөххө киир:

Бүгүн, бэс ыйын 1 күнүгэр, Анаабыр өрүскэ харыыны дэлби тэптэрии үлэтэ салҕанар. Өрүскэ уу таһыма үрдээн, Сааскылаах сэлиэнньэтэ ууга барар куттала үөскээбитэ.

Хаартыска: СӨ Быыһыыр сулууспата.

Бэҕэһээ, ыам ыйын 31 күнүгэр, Ыксаллаах быһыы-майгы сулууспатын суһал бөлөҕө Анаабыр өрүһүнэн көтө сылдьан, Үрүҥ Хайа сэлиэнньэтиттэн 17 килэмиэтир тэйиччи Кумахтаах Арыы диэр сиргэ 15 килэмиэтир уһуннаах харыы баарын булбута. Харыы эмпэрэ биэрэк уонна арыы икки ардыгар үөскээбит.

Ыксаллаах быһыыга-майгыга бырабыыталыстыба хамыыһыйата дэлби тэптэрэр матырыйааллары уонна Быыһыыр сулууспа быыһааччыларын илдьэр икки бөртөлүөтү ыытарга быһаарбыта.

Сарсыарда 9 чааска «Полярные авиалинии» авиахампаанньа уонна Ыксаллаах быһыы-майгы министиэристибэтин икки «Ми-8» бөртөлүөттэрэ Дьокуускайтан көппүттэрэ. Ыам ыйын 31 күнүгэр киэһэ 9 аҥаар чааска 1 туонна кээмэйдээх дэлби тэптэриини оҥордулар.

Бүгүн, бэс ыйын 1 күнүгэр, сарсыарда 9 чааска «Полярные авиалинии» хампаанньа «Ми-8» бөртөлүөтэ көттө. Манна Быыһыыр сулууспа биригээдэтэ бүгүн дэлби тэптэриини салгыы оҥоруохтара. 

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
23 июля
  • 23°C
  • Ощущается: 23°Влажность: 64% Скорость ветра: 2 м/с

Сообщить об опечатке

Текст, который будет отправлен нашим редакторам: