Хаартыска: СӨ Быыһыыр сулууспата.
Бүгүн, бэс ыйын 1 күнүгэр, Анаабыр өрүскэ харыыны дэлби тэптэрии үлэтэ салҕанар. Өрүскэ уу таһыма үрдээн, Сааскылаах сэлиэнньэтэ ууга барар куттала үөскээбитэ.
Бэҕэһээ, ыам ыйын 31 күнүгэр, Ыксаллаах быһыы-майгы сулууспатын суһал бөлөҕө Анаабыр өрүһүнэн көтө сылдьан, Үрүҥ Хайа сэлиэнньэтиттэн 17 килэмиэтир тэйиччи Кумахтаах Арыы диэр сиргэ 15 килэмиэтир уһуннаах харыы баарын булбута. Харыы эмпэрэ биэрэк уонна арыы икки ардыгар үөскээбит.
Ыксаллаах быһыыга-майгыга бырабыыталыстыба хамыыһыйата дэлби тэптэрэр матырыйааллары уонна Быыһыыр сулууспа быыһааччыларын илдьэр икки бөртөлүөтү ыытарга быһаарбыта.
Сарсыарда 9 чааска «Полярные авиалинии» авиахампаанньа уонна Ыксаллаах быһыы-майгы министиэристибэтин икки «Ми-8» бөртөлүөттэрэ Дьокуускайтан көппүттэрэ. Ыам ыйын 31 күнүгэр киэһэ 9 аҥаар чааска 1 туонна кээмэйдээх дэлби тэптэриини оҥордулар.
Бүгүн, бэс ыйын 1 күнүгэр, сарсыарда 9 чааска «Полярные авиалинии» хампаанньа «Ми-8» бөртөлүөтэ көттө. Манна Быыһыыр сулууспа биригээдэтэ бүгүн дэлби тэптэриини салгыы оҥоруохтара.
Мэҥэ Хаҥалас улууһугар байыаннай дьайыы бэтэрээнэ Айнар Слепцов парикмахерскай солуонун үөрүүлээх быһыыга-майгыга арыйда. Бу туһунан…
Ахсынньы 19 күнүн дьыбардаах киэһэтигэр ахсынньы аам-даам тымныытын аахсыбакка, дьон-сэргэ Тойбохой килбэйэр киинигэр турар Клара…
Тааттатааҕы полиция дьуһуурунай чааһыгар олохтоох киһи муннутун тоһутан балыыһаҕа кэлбитин туһунан иһитиннэрбиттэр. Бу туһунан СӨ…
Таатта улууһун Уолба нэһилиэгин олохтооҕо Иван Боппосов дьиэтин үрдүгэр Уот кыһыл сылгы сылын көрсө хаар…
СӨ Үрдүкү Суута Мэҥэ Хаҥалас улууһуттан төрүттээх, 1988 сыллаах төрүөх киһи экстремистскэй тэрилтэни үбүлээһиҥҥэ буруйдаах…
Өрөспүүбүлүкэҕэ үлэ бэтэрээннэрин өйүүргэ 2026 сылга 4 млрд солк. тахса үп көрүллүө диэн Ил Дархан…