Хаартыска: Аина Спиридонова тиксэрдэ
Анаабыр оройуонуттан 23 саастаах Аина Спиридонова «Цветок Ойкумены» өрөспүүбүлүкэтээҕи күрэс кыайыылааҕынан буолла.
Киниэхэ 100 тыһыынча солкуобай суумалаах сэртипикээти туттардылар. Эдэр кыыс долган култууратын уонна үгэстэрин көрдөрөөрү, ону таһынан төрөөбүт тылын киэҥ эйгэҕэ тарҕатыыга күрэскэ кыттарга быһаарыммыт.
«Күрэс миэхэ олус чугас. Мин Анаабыр улууһуттан сылдьабын. Бу күрэскэ кыттарбар улууһум чиэһин эрэ буолбакка, норуотум туһугар улахан эппиэтинэһи сүкпүппүттэн олус долгуйдум. Мин долган үтүө үгэстэрин уонна култууратын көрдөрүөхпүн, төрөөбүт тылы үөрэтиини киэҥ эйгэҕэ тарҕатыыга бэйэм кылааппын киллэриэхпин баҕарбытым. Миэхэ саха, корея уонна долган норуоттарын хааннара сүүрэр. Ол гынан баран, омугунан долганкабын, оҕо сааһым Сааскылаахха ааспыта. Улуустааҕы гимназияны бүтэрээт, Дьокуускайга кэлэн филологическай факультет суруналыыстыка отделениетыгар киирбитим», — диэн СИА-ҕа Аина Спиридонова кэпсээтэ.
Бу кэрэ куолар күрэһигэр кыттарга эдэр кыыс бастакы уопута буолбатах. Аинаҕа бу иннинэ «Первая вице-мисс Студенчество России» уонна «Вице-королева Студенчества Союзного государства» ааттара иҥэриллибиттэрэ. Билигин Аина Саха сиригэр инвестициялары тардыыга уонна экспортка департаменыгар салайар менеджеринэн үлэлиир. Иллэҥ кэмигэр кыыс саҥа ырысыаптарынан астыыр уонна дорамалары көрөрүн сөбүлүүр.
«Күрэскэ бэлэмнэнэрбэр кыратык уустуктардаах этэ. Манна бииргэ төрөөбүттэрим уонна чугас дьонум олус көмөлөспүттэрэ. «Авангард» уонна «Национальнай стилизованнай көстүүм» түһүмэхтэргэ чугас дьүөгэм, дизайнер Сандаара Порохонько олус улаханнык көмөлөстө. Кини эскиистэртэн саҕалаан бары кэппит уобарастарбын айбыта. Маны таһынан миигин биир дойдулаахтарым, аймахтарым эмиэ олус өйөөтүлэр. «Цветок Ойкумены» титулу таһынан «Мисс оnline-симпатия» уонна «Мастерица Ойкумены» номинацияны ылбытым», — диэн Аина санаатын үллэһиннэ.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…