Анаабыр улууһа түргэн интэриниэккэ холбонно

Анаабыр улууһун Үрүҥ Хайа сэлиэнньэтигэр бүгүн, балаҕан ыйын 2 күнүгэр, сибээс волоконно-оптическай лииньийэтин холбоотулар. Онон,  Анаабыр Арктика улуустарыттан түргэн интэриниэттэммит  бастакы улууһунан буолла. 

Билигин бу сибээскэ оскуола, дьаһалта, култуура дьиэтэ уонна уһуйаан холбонно. GPON технологиянан оптическай ситим тутулла турар.

«Биһиги бүгүн историческай сабыытыйаҕа кыттабыт — Арктика улуустарыттан бастакынан Анаабыр улууһа түргэн интэриниэккэ холбонно. Бу өрөспүүбүлүкэбит инфокоммуникационнай хайысхатыгар дьоһун уларыйыылары бэлиэтиир. Уон сыллааҕыта Дьокуускайга оптоволокно суоҕа, оттон билигин номнуо Хотугу Муустаах акыйаан кытылыттан сибээскэ тахсар кыахтанныбыт», — диэн Ил Дархан Айсен Николаев эттэ.