Хаартыска: Ил Дархан, бырабыыталыстыба дьаһалтатын пресс-сулууспата
Анаабыр улууһун Үрүҥ Хайа бөһүөлэгэр «Жилье и городская среда» диэн бэрэсэдьиэн национальнай бырайыагынан тутуллубут аҕыс кыбартыыралаах дьиэ аһыллыыта үөрүүлээх быһыыга-майгыга буолла.
Саҥа дьиэҕэ киирээччилэри эҕэрдэлии Ил Дархан Айсен Николаев Анаабыр улууһугар тиийдэ. Бэлиэтээн суруйдахха, хаарбах дьиэттэн көһөөччүлэргэ анаммыт Арктическай оройуоҥҥа тутуллубут бэһис дьиэ буолар. Бу иннинэ Сааскылаахха үс элбэх кыбартыыралаах дьиэ тутуллан үлэҕэ киирбитэ.
«Саамай сүрүнэ, өрөспүүбүлүкэ киин эрэ куораттарыгар буолбакка, уһук сытар хотугу улуустар олохтоохторо эмиэ саҥа дьиэҕэ көһөллөр. Хаарбах дьиэттэн көһүүгэ бу бастакы дьиэ буолбатах. РФ бэрэсэдьиэнэ Владимир Путин өҥөтүнэн хаарбах дьиэттэн көһүү бырагыраама Үрүҥ Хайаҕа эрэ буолбакка, бүтүн Арктическай оройуоннарга ситиһиилээхтик үлэлиир. Анаабыр улууһа уонна атын да арктическай оройуоннар ситиһиилээхтик сайдан иһиэхтэрэ диэн эрэллээхпин», — диэтэ Ил Дархан Айсен Николаев.
Кэлэр сылтан Анаабыр улууһугар таас дьиэлэри тутуу үлэтэ саҕаланыаҕа. Ол курдук, хаарбах дьиэттэн дьону көһөрүүгэ анаан Сааскылаахха 30 кыбартыыралаах дьиэ тутуллуоҕа. 2025 сылга диэри былаан быһыытынан 700 киһини 9,6 тыһыынча кв. м. дьиэҕэ олохтуохтара.
Хаарбах дьиэттэн көһүү бырагыраама үлэтэ өрөспүүбүлүкэ бары улуустарыгар ыытылла турар. Бырагыраама биэс сыл устата үлэлиэҕиттэн Саха сиригэр номнуо 190 элбэх кыбартыыралаах дьиэҕэ уопсайа 28 тыһыынча киһи көспүт. 2019 сылтан бырагырааманы олоххо киллэриигэ 61 тыһыынча миллиард солкуобай ыытыллыбыт.
Саас харалдьык саҕана тымныыны, хаары-ардаҕы билиммэккэ нуоҕайа үүнэр кэрэчээн ньургуһун сибэккини хоту сир дьоно олоххо…
Бүгүн Аан дойдуга Түмэл күнэ. Бу бэлиэ күнүнэн Емельян Ярославскай аатынан Хотугу норуоттар устуоруйаларын уонна…
Ыам ыйын 18 күнүнээҕи туругунан, Өлүөнэ өрүскэ муус барыыта Нам улууһун сиринэн-уотунан бэлиэтэнэр. Дьону Аллараа…
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрбитинэн, бүгүн Өлүөхүмэҕэ …
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…
Бэйэтин уруккутун сыаналыыр, ытыктыыр нэһилиэк кэскиллээх. Харбалаахтааҕы үөрэхтээһин холбоһугар быйыл кыһын оскуола түмэлин архыыбын матырыйаалын…