Анаабырга хомоҕой хоһоон саас кэлиитин чугаһатта

Кулун тутар 1 күнүгэр Анаабырга Үрүҥ  Хайа бөһүөлэгэр “Кыа кыымнара” литература киэһэтэ үрдүк таһымнаахтык ааста.

Мустубут дьону  нэһилиэк баһылыга  Е В.Спиридонов эҕэрдэлээтэ. Биэчэри  «Кыа кыымнара” литературнай куруһуок салайааччыта А.Е.Спиридонова, учууталлар Н.П.Туприна, Анисия Катанова, Е.В. Спиридонова, уо.д.а. салайан ыыттылар.

8 кылаастары үөрэтэр учуутал Рада Руслановна, 5 кылаас салайааччыта Е.В.Иванова, 7 кылаас учуутала Анисия Катанова үөрэтэр оҕолоро хоһооннору олус бэркэ аахтылар. Литература биэчэригэр   Спиридонова В.М, Туприн Е.И, Попов В.А. уонна Туприн С.Ф. курдук саҥа ааттар билиннилэр.  Туприна С.И., Спиридонова В.М., Попов В.А., Туприн Е.И. уонна Туприн С.Ф. хоһоонноро ааҕылыннылар. Биэчэри Сыроватскай С.В., Туприн Ф.И., Попов Н.А,Спиридонов Г.Н., Туприна В.Е. ыллаан-туойан киэргэттилэр.

Ону сэргэ бибилэтиэкэр Галина Гаврильевна кинигэ быыстапкатын тэрийэн дьон-сэргэ сэҥээриитин ылла.

Галина БОРИСОВА-ТОЛБООНО