Хаартыска: И.Попова тиксэриитэ
Анаабыр улууһун олохтооҕо, үс кыыс ийэтэ Изабелла Попова сөбүлүүр идэтин өссө үчүгэйдик сайыннаран, эбии дохуот ылынар баҕалаах 2024 сыллаахха социальнай хантараак түһэрсибитэ.
Кини минньигэс, бурдук ас арааһын: туорт, пирожнай уо. д.а. оҥорон атыылыыр буолбута.
Ол туһунан Изабелла Николаевна: «Туорт оҥорор бэйэтэ туһунан ыарахаттардаах, ыллыҥ да мээнэ оҥорон киирэн барбаккын. Элбэх билии уонна быраактыка, үөрүйэх наада. Хас биирдии дьарык, идэ курдук, билиигин, сатабылгын сотору-сотору сайыннара сылдьарыҥ ирдэнэр.
Айар үлэ буолан, киэргэтэргэ, ойуулуурга тулуур уонна фантазия наада. Итини аан бастаан саҕалыырбар кэргэним улахан күүс-көмө буолбута. Кини идэтинэн худуоһунньук.
Төһө да күнүстэри-түүннэри астаан, элбэх бириэмэбин ыыттарбын, идэбин, дьону үөрдэрбин, бырааһынньыктары киэргэтэрбин олус сөбүлүүбүн.
Арай, ыарахана диэн, хоту олорор буоламмыт, бородууксуйа (сыыр, холбуйуу сүөгэй) уонна туттар тэриллэрим ардыгар атыыга суох буолан хаалаллар. Баар буоллаҕына даҕаны, куораттааҕар хас да бүк сыаналаах. Ол иһин, төһө кыалларынан, кыһын суол турдаҕына барытын эрдэттэн хаһаана сатыыбын. Сайын сөмөлүөккэ эбии төлөөн эбэтэр дьоҥҥо сакаастаан аҕалтарабын.
Ол да буоллар, саҕалаабыт дьыалабын тохтотон кэбиспэккэ, үүнэ-сайда сатыыбын. Дьон сакааһа, үтүө санаата, махтала, бэйэм дьиэ кэргэним, оҕолорум өрүү кынаттыыллар. Ол элбэҕи быһаарар”, — диэн кэпсээтэ.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…