Анаалыс туттарыыга аны албынныыр буолбуттар

Түөкүттэр саҥаттан саҥа албастары толкуйдаан, дьонтон харчы ыга үктээн ылыылара күннэтэ тахса турар. Билигин аны анаалыс туттарыытыгар дьону албынныыр буолбуттарын РИА-Новости суруйар.

Төлөпүөн түөкүттэрэ поликлиника үлэһитэ буолан кубулунан, аҕам саастаахтарга эрийэн хат анаалыс туттарыыга тус дааннайдарын көрдүүллэр.  Бу маны анкета толорууга наада дииллэр эбит.

Тус дааннайдары эппиттэрин кэннэ быраап уорганнарын үлэһиттэринэн аатыттан түөкүттэр эрийэн дьону куттууллар. Итиэннэ харчыларын «куттала суох счекка»  көһөрөргө сүбэлииллэр.