Хаартыска: Дьулустаан Сергеев, СИА
Аан дойду чөмпүйүөнэ Анатолий Гладков мас-рестлиҥҥэ Арассыыйа успуордун маастарынан буолла. Кини бу успуорт көрүҥүнэн 30-ча сыл устата дьарыктаммытын үрдүнэн, баҕа санаатын быйыл кэлэн ситистэ.
Успуорт маастара ааты кулун тутар 20 күнүгэр дойду успуордун миниистирэ Михаил Дегтярев бирикээһинэн туттарылынна. Анатолий Гладков 2014 сылга эр дьоҥҥо аан дойду чөмпүйэнээтин кыайыылааҕынан, ону таһынан бэтэрээннэр ортолоругар аан дойду чөмпүйэнээтин икки кыһыл көмүс наҕараадатын хаһаайынынан буолар.
«Мин эдэр сааспар мас-рестлиҥҥэ Арассыыйа успуордун маастара аат суох этэ. Нормативпын икки сыл анараа өттүгэр Уфаҕа Арассыыйа чөмпүйэнээтигэр толорбутум. Оччолорго аан дойду чөмпүйүөннэрэ Василий Захаров уонна Семен Ануфриев кэнниттэн үһүс миэстэни ылбытым. Мас тардыһыытынан 1996 сылтан ыла дьарыктанабын, ол аата эһиил карьерам толору 30 сылын туолуоҕа. Мас-рестлиҥҥэ Арассыыйа успуордун маастарын аата мин баҕа санаам этэ», — диэн Анатолий Гладков кэпсээтэ.
Нам оройуонун спортсмена успуорка карьератын сылларыгар араас улахан күрэхтэһиилэргэ бастаабыта, 43 сааһыгар успуорка өр сыллаах чаҕылхай холобурунан буолар. Кини Саха сирин, Арассыыйа, Европа, Аан дойду Куубагын, Манчаары оонньууларын, Роман Дмитриев аатынан Бүтүн Арассыыйатааҕы турнирын, өрөспүүбүлүкэ абсолютнай чөмпүйэнээтин кыайыылааҕынан буолбута. Быйыл Анатолий Гладков эмиэ Манчаары оонньууларыгар иккистээн сүүмэрдэммитэ.
Василий Киренскэй баһаарынай чаас суоппарыттан саҕалаан фронтовик буолбута. Оттон билигин эйэлээх идэҕэ төттөрү киирдэ. Байыаннай…
Бу өрөбүллэргэ, муус устар 5-6 күннэригэр, Нам сэлиэнньэтигэр Манчаары оонньууларыгар хапсаҕайга бүтэһик путевкалары оонньотуохтара. "Эҥсиэли…
Муус устар 4 күнүгэр судаарыстыбаннай, уопсастыбаннай, бэлитиичэскэй диэйэтэл Гавриил Иосифович Чиряев төрөөбүтэ 100 сылынан «Путь…
Муус устар 1 күнүгэр Күҥҥэ улахан эстии буолла. Прикладной геофизика института иһитиннэрбитинэн, 16 мүнүүтэ уһуннаах…
Мииринэйтэн байыаннай дьайыыга барбыт танкист ВСУ саллаатын охсуһан кыайан, билиэнтэн нэһиилэ куотан баран, утарсааччытын бэйэтин…
Саха сиригэр Бэрэсидьиэн национальнай бырайыактарын көмөтүнэн 200 тахса эбийиэги үлэҕэ киллэрдилэр. Бу туһунан өрөспүүбүлүкэ Бырабыыталыстыбатын…