Хаартыска: Дьулустаан Сергеев, СИА
Аан дойду чөмпүйүөнэ Анатолий Гладков мас-рестлиҥҥэ Арассыыйа успуордун маастарынан буолла. Кини бу успуорт көрүҥүнэн 30-ча сыл устата дьарыктаммытын үрдүнэн, баҕа санаатын быйыл кэлэн ситистэ.
Успуорт маастара ааты кулун тутар 20 күнүгэр дойду успуордун миниистирэ Михаил Дегтярев бирикээһинэн туттарылынна. Анатолий Гладков 2014 сылга эр дьоҥҥо аан дойду чөмпүйэнээтин кыайыылааҕынан, ону таһынан бэтэрээннэр ортолоругар аан дойду чөмпүйэнээтин икки кыһыл көмүс наҕараадатын хаһаайынынан буолар.
«Мин эдэр сааспар мас-рестлиҥҥэ Арассыыйа успуордун маастара аат суох этэ. Нормативпын икки сыл анараа өттүгэр Уфаҕа Арассыыйа чөмпүйэнээтигэр толорбутум. Оччолорго аан дойду чөмпүйүөннэрэ Василий Захаров уонна Семен Ануфриев кэнниттэн үһүс миэстэни ылбытым. Мас тардыһыытынан 1996 сылтан ыла дьарыктанабын, ол аата эһиил карьерам толору 30 сылын туолуоҕа. Мас-рестлиҥҥэ Арассыыйа успуордун маастарын аата мин баҕа санаам этэ», — диэн Анатолий Гладков кэпсээтэ.
Нам оройуонун спортсмена успуорка карьератын сылларыгар араас улахан күрэхтэһиилэргэ бастаабыта, 43 сааһыгар успуорка өр сыллаах чаҕылхай холобурунан буолар. Кини Саха сирин, Арассыыйа, Европа, Аан дойду Куубагын, Манчаары оонньууларын, Роман Дмитриев аатынан Бүтүн Арассыыйатааҕы турнирын, өрөспүүбүлүкэ абсолютнай чөмпүйэнээтин кыайыылааҕынан буолбута. Быйыл Анатолий Гладков эмиэ Манчаары оонньууларыгар иккистээн сүүмэрдэммитэ.
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…
Бүгүн Дьокуускай куоракка Опера уонна балет тыйаатырын дьиэтигэр өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III…